Ռիհաննայի տունը հայտնվել է անհանգստացնող միջադեպի կենտրոնում
Ռիհաննայի Բևեռլի Հիլզի տունը կիրակի կեսօրին հայտնվել է անհանգստացնող միջադեպի կենտրոնում։ Անհայտ կինը իր մեքենայից կրակ է բացել երգչուհու առանձնատան վրա։ Ըստ TMZ-ի՝ կասկածյալը մի քանի կրակոց է արձակել արտիստի տան ուղղությամբ։ Ոստիկանությունը արագ ժամանել է դեպքի վայր և ձերբակալել 30-ամյա կնոջը։ Ըստ տեղեկությունների՝ 38-ամյա Ռիհաննան կրակոցների պահին գտնվել է տանը, բայց չի տուժել։
Իրավապահ մարմինները փակել են աստղի տան մոտ գտնվող փողոցը և շրջափակել տարածքը։ Լոս Անջելեսի ոստիկանները տեղում են եղել, և տարածքը շրջապատված է եղել դեղին ոստիկանական ժապավենով։ Հարձակման դրդապատճառը մնում է անհայտ։ Հետաքննիչները աշխատում են պարզել կասկածյալի դրդապատճառը։
Ռիհաննան և նրա ընտանիքը ապրում են մոտ 14 միլիոն դոլար արժողությամբ շքեղ առանձնատանը։ Երգչուհին այն գնել է 2021 թվականին։ Տունը գտնվում է Բևեռլի Հիլզի լեռների հանգիստ փողոցում և հայտնի է իր լիակատար գաղտնիությամբ. սեփականությունը թաքնված է բարձր ցանկապատերով։ Առանձնատունն ունի հինգ ննջասենյակ և յոթ լոգարան, իսկ դրա մակերեսը գերազանցում է երկու հազար քառակուսի մետրը: Շենքը կառուցվել է 1930-ական թվականներին։
Այս թաղամասում են ապրում նաև Մրայա Քերին և Մադոննան, իսկ լեգենդար երաժիշտ Փոլ Մաքքարթնին ապրում է փողոցի դիմաց։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար