Մեծ Բրիտանիայի ֆինանսների նախարարը խորհուրդ է տվել նախկին արքայազն Էնդրյուին վերադարձնել բյուջետային միջոցները

Մեծ Բրիտանիայի թագավոր Չարլզ III-ի եղբայրը՝ Էնդրյու Մաունթբաթեն-Վինձորը, պետք է պետական գանձարան վերադարձնի հարկատուների բոլոր այն միջոցները, որոնք ոչ նպատակային կերպով ծախսվել են անձնական կարիքների համար։ Այս մասին հայտարարել է Միացյալ Թագավորության ֆինանսների նախարար Ռեյչել Ռիվսը։ Միևնույն ժամանակ, Ռիվսն ընդգծել է, որ «երբեք չի հանդիպել» Մաունթբաթեն-Վինձորին։ «Հավանաբար, այդպես ավելի լավ է», - ասել է նա։

Ավելի վաղ բրիտանական լրատվամիջոցները հայտնել էին, որ նախկին արքայազնը, զբաղեցնելով առևտրային հարցերով հատուկ ներկայացուցչի չվարձատրվող պաշտոնը, օգտագործել է թագավորական ռազմաօդային ուժերի ինքնաթիռները՝ մասնավոր առևտրային շահերից բխող ուղևորություններ կատարելու համար։ Ըստ i թերթի՝ Մաունթբաթեն-Վինձորը պետական միջոցներ է ծախսել նաև հյուրանոցներում մի քանի համարներ ամրագրելու և իր շրջապատի հաշիվները փակելու համար։

Էփշտեյնը ձերբակալվել էր Նյու Յորք նահանգի իրավապահ մարմինների կողմից 2019 թվականի հուլիսի 6-ին։ Դատախազությունը հայտարարել էր ապացույցների առկայության մասին, ըստ որոնց՝ 2002-2005 թվականներին նա կազմակերպել էր տասնյակ անչափահաս աղջիկների այցելություններ Մանհեթենի իր տուն, որոնցից ամենակրտսերը 14 տարեկան է եղել։ Էպշտեյնի ընկերների և ծանոթների շրջանակում ընդգրկված էին մեծ թվով գործող և նախկին պաշտոնյաներ ոչ միայն ԱՄՆ-ից, այլև շատ այլ երկրներից (ներառյալ պետությունների նախկին ղեկավարներ), խոշոր գործարարներ և շոու-բիզնեսի աստղեր։ Ֆինանսիստի նկատմամբ քրեական հետապնդումը հայրենիքում դադարեցվել է 2019 թվականի օգոստոսին՝ բանտախցում նրա ինքնասպանությունից հետո։