Լիվերպուլը նոր պաշտպան ունի

«Լիվերպուլ» ֆուտբոլային ակումբն իր պաշտոնական կայքում հայտարարել է ֆրանսիական «Ռենի» կենտրոնական պաշտպան Ժերեմի Ժակեի տեղափոխության մասին։

20-ամյա ֆուտբոլիստն ընթացիկ մրցաշրջանը կավարտի «Ռենում», իսկ անգլիական ակումբին կմիանա ամռանը։ Նախատեսվում է կնքել պայմանագիր մինչև 2031 թվականի հունիս՝ համագործակցությունը երկարաձգելու հնարավորությամբ։

Ըստ ինսայդեր Ֆաբրիցիո Ռոմանոյի՝ «Լիվերպուլը» գործարքի համար վճարել է 60 մլն եվրո, ևս 12 մլն եվրո նախատեսված է որպես հավելավճար:

Հիշեցնենք, որ Ժակեն «Ռենի» ակադեմիայում է 2019 թվականից, իսկ հիմնական թիմում նորամուտը նշել է 2024-ին։ Ֆրանսիայի առաջնության ընթացիկ մրցաշրջանում պաշտպանն անցկացրել է 18 հանդիպում։