Կառլոս Ալկարասը կարիերայում առաջին անգամ դարձավ Australian Open-ի հաղթող

Իսպանացի թենիսիստ Կառլոս Ալկարասը դարձավ Ավստրալիայի 2026 թվականի բաց առաջնության հաղթող։

Մելբուրնում կայացած եզրափակիչ դիմակայությունում աշխարհի առաջին ռակետը 4 սեթում առավելության հասավ սերբ Նովակ Ջոկովիչի (4-րդ համար) նկատմամբ։ Հանդիպումն ավարտվեց 2:6, 6:2, 6:3, 7:5 հաշվով և տևեց 3 ժամ 2 րոպե։

22-ամյա իսպանացու համար սա առաջին հաղթանակն է Australian Open-ում։ Ալկարասն իր կարիերայում նվաճեց «Մեծ սաղավարտի» մրցաշարերի յոթերորդ տիտղոսը։

38-ամյա Ջոկովիչը, հիշեցնենք, մենախաղում ունի «Մեծ սաղավարտի» 24 տիտղոս։

Կառլոս Ալկարաս (Իսպանիա, 1) - Նովակ Ջոկովիչ (Սերբիա, 4) - 2:6, 6:2, 6:3, 7:5

armsport.am