Հարավային Կորեայի նախկին նախագահի կինը դատապարտվել է 20 ամսվա ազատազրկման
Յոլի կնոջը՝ Քիմ Քոն Հիին, դատապարտել է 20 ամսվա ազատազրկման՝ կոռուպցիոն գործով։ Միաժամանակ Յուն Սոկ Յոլը սպասում է դատավճռի՝ 2024 թ․-ի դեկտեմբերին ռազմական դրություն սահմանելու փորձի առնչությամբ ներկայացված ապստամբության մեղադրանքով, որը կարող է հանգեցնել ցմահ ազատազրկման կամ մահապատժի։
Դատարանի արձանագրությամբ՝ Քիմ Քոն Հին Միավորման եկեղեցուց ստացել է շքեղ նվերներ, այդ թվում՝ Graff ընկերության ադամանդե վզնոց և Chanel ապրանքանիշի պայուսակ՝ բիզնես արտոնություններ ապահովելու խոստումների դիմաց։ Դատարանը շեշտել է, որ առաջին տիկնոջ կարգավիճակը ենթադրում է զգալի քաղաքական և հասարակական ազդեցություն, որը, սակայն, մեղադրյալը օգտագործել է անձնական շահի նպատակով։
Միևնույն ժամանակ դատարանը Քիմ Քոն Հիին արդարացրել է բաժնետոմսերի գների մանիպուլյացիայի և քաղաքական ֆինանսավորման օրենսդրության խախտման մեղադրանքներով՝ ապացույցների անբավարարության պատճառով։
Քիմ Քոն Հին կալանքի տակ է գտնվում անցյալ տարվա օգոստոսից․ դատարանը նրա ձերբակալությունը հիմնավորել է հնարավոր ապացույցների ոչնչացման վտանգով։ Պաշտպանական կողմը հայտարարել է, որ դատավճիռը անհամաչափ խիստ է և քննարկում է այն վերադաս դատարանում բողոքարկելու հնարավորությունը։
Դատավճիռը հրապարակվել է Յուն Սոկ Յոլի գործով վճռի սպասվող հրապարակումից շուրջ երեք շաբաթ առաջ։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
Մինիոնները վերադառնում են
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Երեկ նոր սկսել ենք, 162 տոննա ծիրան ենք արտահանել. Պապոյան