Ռոնալդուն խփել է կարիերայի 959-րդ գոլը

«Ալ-Նասրի» հարձակվող Կրիշտիանու Ռոնալդուն պրոֆեսիոնալ կարիերայում իր 959-րդ գոլն է խփել։ Պորտուգալացին աչքի է ընկել Սաուդյան Արաբիայի Պրո լիգայի 2025/2026 մրցաշրջանի 15-րդ տուրի՝ «Ալ-Հիլալի» դեմ կենտրոնական խաղում։

«Ալ-Նասրի» ավագը բացել է հանդիպման հաշիվը 42-րդ րոպեին, սակայն դա չի փրկել նրա թիմին պարտությունից․ տանտերերը կամային հաղթանակ են տարել 3։1 հաշվով։

Այս հաղթանակից հետո «Ալ-Հիլալը» անցկացրած 14 խաղից հետո վաստակած 38 միավորով շարունակում է գլխավորել մրցաշարային աղյուսակը։ «Ալ-Նասրը» 31 միավորով երկրորդ տեղում է։

Ընթացիկ մրցաշրջանում Ռոնալդուն ակումբի կազմում բոլոր մրցաշարերում մասնակցել է 18 հանդիպման, դարձել 16 գոլի և 3 գոլային փոխանցման հեղինակ։