Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ

Կամիլ Գաջիևին տված հարցազրույցում՝ անդրադառնալով այն հարցին, թե արդյոք 6 րոպե պայքարի դիմաց ստացած գումարը կարելի է ռեկորդային համարել, Շարան նշել է․ «Իմ մասով՝ դա, միանշանակ, ռեկորդային հոնորար էր։ Ես, առհասարակ, չեմ լսել, որ գրեփլինգում նման գումարներ շրջանառվեն։ Այն աղմուկն ու ուշադրությունը, որը մենք ստեղծեցինք, նույնպես աննախադեպ էին գրեփլինգի համար։ Թերևս, նման բան եղել է միայն այն ժամանակ, երբ գորգ էր դուրս գալիս լեգենդար Ալեքսանդր Կարելինը», - ասել է 31-ամյա մարզիկը։

Հիշեցնենք, որ 2025 թվականի դեկտեմբերի 30-ին Երևանում կայացած 6-րոպեանոց գոտեմարտն ավարտվել էր ոչ-ոքի արդյունքով։

armsport.am