Ջոշուան վթшրի է ենթարկվել. բռնցքամարտիկը հիվանդանոցում է․ կա 2 զnh
Բռնցքամարտի ծանր քաշային կարգում WBO, WBA և IBF վարկածներով աշխարհի նախկին չեմպիոն, բրիտանացի Էնթոնի Ջոշուան Նիգերիայում ենթարկվել է ավտովթարի, որը ողբերգական ելք է ունեցել։
Դեպքը տեղի է ունեցել դեկտեմբերի 29-ի ցերեկը՝ Լագոս-Իբադան մայրուղու վրա (Օգուն նահանգ): Lexus մակնիշի ամենագնացը, որի մեջ գտնվել է 36-ամյա մարզիկը, բախվել է ճանապարհի եզրին կայանված բեռնատարին։
Ըստ տեղական ոստիկանության և ականատեսների՝ վթարի մեղավորը Lexus-ի վարորդն է եղել։ Մեքենան ընթացել է սահմանված արագության գերազանցմամբ և վազանց կատարելիս վարորդը կորցրել է կառավարումը, ինչն էլ հանգեցրել է բախման։
Վթարի հետևանքով տեղում մահացել է երկու մարդ՝ վարորդի կողքին նստած ուղևորը և Ջոշուայի կողքին նստած անձը։
Էնթոնի Ջոշուան, ով նստած է եղել վարորդի հետևում, և մեքենայի վարորդը ողջ են մնացել։ Բռնցքամարտիկը տեղափոխվել է հիվանդանոց։ Ըստ BBC-ի՝ նա ստացել է թեթև վնասվածքներ, սակայն այլ աղբյուրներ հայտնում են կողոսկրերի կոտրվածքների և լուրջ սալջարդերի մասին։ Այնուամենայնիվ, նրա կյանքին վտանգ չի սպառնում, և նա կարողացել է ինքնուրույն տեղափոխվել ոստիկանական մեքենա։
Ջոշուան Նիգերիա էր մեկնել պատմական հայրենիք այցելելու և ընտանիքին տեսակցելու նպատակով։ Նա նաև զբաղվում էր տեղի մարզիկների համար նախատեսված բռնցքամարտի դահլիճի կառուցման աշխատանքներով։
Հիշեցնենք, որ ընդամենը օրեր առաջ՝ դեկտեմբերի 20-ին, Ջոշուան Մայամիում նոկաուտով հաղթել էր բլոգեր Ջեյք Փոլին։ Բրիտանացին ծրագրում էր հաջորդ մենամարտը անցկացնել 2026 թվականի սկզբին, սակայն այժմ նրա մարզական գրաֆիկը կախված կլինի ապաքինման ընթացքից։


















































«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...
Մոսկվայի բոլոր օդանավակայանները կրկին դադարեցրել են աշխատանքը