Մակրոնին նարցիսիստ են անվանել

Ֆրանսիայի առաջնորդ Էմանուել Մակրոնի ազդեցիկ քաղաքական խորհրդական և նախկին դաստիարակ Ալեն Մինցը նրան անվանել է նարցիսիստ և ամենավատ նախագահ: Այս մասին հայտնում է Politico-ն։

«Ութ տարի առաջ Ալեն Մինցը գովաբանում էր Ֆրանսիայի նախագահ Էմանուել Մակրոնին՝ նրան համեմատելով նապոլեոնյան գեներալների հետ, իսկ այժմ ասում է, որ նա ամենավատ նախագահն է 1958 թվականին Ֆրանսիայի Հինգերորդ հանրապետության հիմնադրումից ի վեր», - ասվում է նյութում։

Մինցի խոսքով՝ Մակրոնի ինքնասիրությունը ստիպել է նրան անխոհեմ որոշումներ կայացնել, որոնք «վտանգի տակ են դրել ֆրանսիական ինստիտուտները» և ուժեղացրել են ծայրահեղ աջերի դիրքերը 2027 թվականի նախագահական ընտրությունների նախաշեմին:

«Մակրոնը երկիրը թողնում է շատ ավելի վատ վիճակում, քան այն ժամանակ, երբ նա իր ձեռքը վերցրեց ղեկը: Նա վտանգում է թողնել քաղաքական դաշտը երկրում անկայուն, ինչը աններելի է», - եզրափակել է խորհրդականը։