Մոսկվան և Թեհրանը մտահոգություն չեն հայտնել TRIPP նախագծում ամերիկյան ներկայության վերաբերյալ
Մոսկվան և Թեհրանը մտահոգություն չեն հայտնել TRIPP ծրագրի շրջանակներում տարածաշրջանում ամերիկացիների ներկայության վերաբերյալ։ Այս մասին հայտարարել է ՀՀ արտգործնախարար Արարատ Միրզոյանը «Խաղաղության քվիզ. զրույց ՀՀ արտաքին գործերի նախարարի հետ» խորագրով՝ «Օրբելի» վերլուծական կենտրոնի կազմակերպած համաժողովի ընթացքում։
Նախարարը հիշեցրել է, որ Հայաստանում գործում են ամերիկյան ներկայություն ունեցող ընկերություններ, ինչպես նաև բազմաթիվ ընկերություններ այլ արտասահմանյան կապիտալով՝ արգենտինական, չինական և այլն։ Միրզոյանը համաձայնել է, որ ծրագիրը մեծ քաղաքական ուշադրություն է գրավում. «Չեմ ուզում ասել, որ դա համեմատելի է ջրային պաշարների կամ օդանավակայանի կառավարման հետ, այն ունի քաղաքական նշանակություն և հանդիսանում է խաղաղության երաշխիքներից և գործիքներից մեկը»։ Նրա խոսքով, այժմ բանակցություններ են ընթանում ամերիկյան կողմի հետ։ «Իմ պատկերացմամբ, դա պետք է լինի հայ-ամերիկյան ընկերություն, որը կկառուցի և կզբաղվի ամենօրյա մենեջմենթով։ Սա չի նշանակում ենթակառուցվածքի ամերիկյան վերահսկողություն։ Բոլոր հարցերը, որոնք վերաբերում են ինքնիշխանությանը և լիազորություններին, լուծված են և արտացոլված ստորագրված ու հրապարակված փաստաթղթերում։ Խոսքը միայն մենեջմենթի մասին է», - ընդգծել է Միրզոյանը՝ հավելելով, որ պաշտոնապես Մոսկվան և Թեհրանը մտահոգություն չեն հայտնել։ Ընդհակառակը, Իրանը և Ռուսաստանը շահագրգիռ են ծրագրով, մանավանդ որ Ռուսաստանը ՀՀ-ում մեկ այլ ընկերության՝ Հարավկովկասյան երկաթուղու օպերատորն է։
Միաժամանակ, նախարարը խնդրել է օգտագործել TRIPP նախագծի ընդունված անվանումը։
ԿԸՀ-ն իր ձեւով քննարկելու է «Մեր ձեւովի» հարցը
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Մի շարք հասցեներում լույս չի լինի
Գարեգին Երկրորդի եղբոր կալանքը 2 ամսով երկարաձգվեց
Իրանում վերականգնվել է ինտերնետային կապը
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում