«Այսօր, ցավոք սրտի, բոլոր այն ուժերի համար, որոնք պայքարում են ընդհանուր համաշխարհային արդարության, հավասարության եւ արժանապատիվ հարաբերություններ կառուցելու համար, մենք տեսնում ենք մերձավորարևելյան ճակատում թեժացումներ, որոնց նպատակն է ի վերջո, Իրանին ներքաշել ռազմական գործողությունների մեջ: Մենք այս տարվա ընթացքում եթե նայենք, կտեսնենք այդ ձեռագիրը՝ ամենատարբեր սադրանքների միջոցով, եւ այդ սադրանքների ծավալն ու մակարդակը գնալով թեժանում է: Ցավոք, երեկվա տվյալներով արդեն հերթական ահաբեկչական գործողությունն է եղել ուղղաթիռի պայթյունի տեսքով, որը նաեւ բնականաբար, բոլոր մտածող մարդկանց մոտ ուղիղ զուգահեռներ է արթնացնում ամսիներ առաջ Իրանի նախագահի ուղղաթիռի պայթյունի հետ:
Բնական է, որ մենք մոտ ժամանակներս ակնհայտորեն կտեսնենք էլ ավելի թեժացման գործողություններ: Շատ բնորոշ է այսօր Իրանի նախագահ Փեզեշքիանի խոսքը իրենց կառավարության նիստի ժամանակ, որը բացահայտում է իրենց պատասխան հարվածի ուշացման հանգամանքը, եւ եւս մեկ անգամ հաստատում արեւմտյան կողմի փարիսեցիությունը: Ըստ նրա, արեւմտյան տարբեր երկրներ խոստացել էին չհարվածելու պայմանով եւ Գազայում, եւ Հեզբոլլահի մասով թեժացումներ չանել, բայց մենք տեսանք բոլորովին հակառակ գործողություններ: Սա եւս մեկ սթափեցնող ազդակ է Իրանի նոր ղեկավարությանը, որը հաշվի առնելով Փեզեշքիանի ավելի լիբերալ դիրքորոշումները, հույս ուներ, որ Արեւմուտքքի հետ կամուրջներ, հարաբերություններ կառուցելու հնարավորություն կարող է բացել: Սա ուղղակի խաչ է քաշում այդ ցանկությունների վրա»,- հայտարարեց Աղաջանյանը՝ հավելելով, որ արեւմտյան հեգեմոնիայի հաստատման համար ցանկացած կեղծիք, սուտ ու սադրանք՝ կարող է օգտագործվել:
Դեսպանը համոզմունք հայտնեց, որ Իրանը չի գնա սադրանքի եւ պատերազմի մեջ չի ներշքավի. «Սակայն ես չեմ բացառում դիմադրության ճակատի կողմից ընդհանուր ծրագրված քայլերի ձեռնարկումը: Հաշվի առնենք, որ Եմենի կողմից եւս զոհեր կան եւ չի բացառվում, որ տեսնենք համակարգված պատասխան՝ առանց Իրանի ուղիղ ներգրավման: Հնարավոր է հրթիռային հարվածներ լինեն, բայց ուղիղ ներգրավման հարցը նվազագույնի է հասցվելու, որպեսզի Իրանի վրա ուղիղ հարձակման պատրվակը չտրվի»:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է