Հայկական Շարժումը դատապարտում է Վատիկանի դիրքորոշումը՝ Ադրբեջանը որպես ալբանական եկեղեցու բնօրրան ճանաչելու հետ կապված

Հայկական Շարժումը խստորեն դատապարտում է Վատիկանի դիրքորոշումը, որի համաձայն այն կոչ է արել ճանաչել Ադրբեջանը որպես ալբանական եկեղեցու բնօրրան:

Համաձայն L'Osservatore Romano-ում հրապարակված հոդվածի` Վատիկանը կոչ է արել ճանաչել Ադրբեջանը որպես ալբանական եկեղեցու ծննդավայր : Այս թերթը, որը Սուրբ Աթոռի միակ պաշտոնական հրատարակչությունն է, հրապարակել է հոդված` «Դեպի քրիստոնեության աղբյուրները` Ադրբեջանի Ալբանական առաքելական եկեղեցու հետքերով։ Ճամփորդություն Կովկասի հին Ալբանիայում» վերնագրով։

Հայաստանը 301 թ.-ին Տրդատ III թագավորի օրոք առաջին երկիրն է, որն ընդունել է քրիստոնեությունը որպես պետական կրոն: Առաքյալ Թադեոսը Հայաստանի առաջին քրիստոնյա քարոզիչներից մեկն է, ով նպաստեց տարածաշրջանում քրիստոնեության հաստատմանը:

Լեռնային Ղարաբաղում հայկական քրիստոնեության պատմությունը խորը արմատներ ունի հայերի մշակութային և կրոնական ինքնության մեջ: Տարածաշրջանը շարունակում է լինել այս պատմության խորհրդանիշ: Այս անկայունության համատեքստում հայկական քրիստոնեական ժառանգության պահպանումը ունի կենսական նշանակություն։

Հայկական Շարժումը դատապարտում է Վատիկանի թերթի ժխտողական քաղաքականությունը, որը սնուցում է Ալիև դիկտատորի կեղծ տեսությունները հայերի դեմ։ Հայկական Շարժման նախագահ Ժակ Ռաֆֆի Փափազյանը կոչ է անում Հռոմի Պապին պարզաբանել Վատիկանի դիրքորոշումը: