Սրանց «թեթև» ձեռքով շատ արագ մոտենում է անվերադարձի կետին․ Մհեր Մելքոնյան

ՀՀ ԱԺ «Հայաստան» խմբակցության պատգամավոր Մհեր Մելքոնյանը ֆեյսբուքյան իր էջում գրում է․

«Հայաստանի Հանրապետության իբր վարչապետ ներկայացող անձնավորության մտքերն ու գործողությունները միշտ հակասական են և անտրամաբանական։

Կարծում եմ ոչ ոք, նույնիսկ իր ՔՊ-ական խմբակի անդամները չգիտեն, թե նրա գլխում ինչ է կատարվում։ Հնարավոր է հիմնական պատճառն այն է, որ այդ մտքերը նրան թելադրվում են ինչ-որ անձանձ կամ պետությունների կողմից։

Նիկոլ Փաշինյանը մեկ հայտարարում է, որ հայերը թուրքերին չպիտի ընկալեն որպես թշնամի , մեկ հայտարարում է, որ պետք է մոռանանք պատմական Հայաստանը, մեկ հայտարարում է, մեր Հայրենիքի որոշ հատվածների դժգույն և դժբախտ լինելու մասին, մեկ հայտարարում է, որ պատրաստ է առևտուր անել և զարգացնել տնտեսական կապերը Թուրքիայի հետ` անտեսելով հայերիս համար շատ կարևոր սկզբունքներ։

Վաղը կարող է մեկ այլ ուրիշ աբսուրդային միտք ծագել նրա գլխում, որը հաստատ կհակասի նախորդ բոլոր մտքերին։

Եվ նորից ու նորից կստացվի անհեթեթ մի իրավիճակ։

Մեր հայրենակիցներից շատերի մոտ վաղուց հարց է առաջացել` այս ամենի արդյունքում ո՞ւր է գլորվում Հայաստանի Հանրապետությունը։

Դժվար է ասել, բայց սրանց «թեթև» ձեռքով շատ արագ մոտենում է անվերադարձի կետին»։