Հայ-ադրբեջանական կարգավորման գործընթացում ԱՄՆ-ին և Եվրամիությանը ներգրավելու ջանքերը հաջողության չեն հանգեցնի. ՌԴ ԱԳՆ
Մոսկվան հույս ունի, որ Երևանը կգիտակցի այն փաստը, որ հենց Ռուսաստանի, Հայաստանի և Ադրբեջանի ղեկավարների միջև եռակողմ պայմանավորվածությունների իրականացումն է հայ-ադրբեջանական հարաբերությունների կարգավորման ամենահուսալի ճանապարհը։ Այս մասին այսօր՝ փետրվարի 8-ին, ասել է Ռուսաստանի Դաշնության արտաքին գործերի փոխնախարար Միխայիլ Գալուզինը «Ռոսիա 24» հեռուստաալիքին տված հարցազրույցում։
Գալուզինի կարծիքով՝ կարգավորման գործընթացում արտատարածաշրջանային խաղացողներին, առաջին հերթին՝ ԱՄՆ-ին և Եվրամիությանը, ներգրավելու ջանքերը հաջողության չեն հանգեցնի։ Արևմտյան խաղացողների գործունեությունն ուղղված է ոչ թե կարգավորմանը նպաստելուն, այլ Ռուսաստանին այս գործընթացից դուրս մղելուն, Հարավային Կովկասում ուժերի գոյություն ունեցող հավասարակշռությունը քանդելուն և, հետևաբար, Ռուսաստանի Դաշնության հարևանությամբ անկայունության ևս մեկ աջախ ստեղծելուն, նշել է Գալուզինը։
Խոսելով հայ-ադրբեջանական սահմանի սահմանազատման մասին՝ նա նշել է, որ Ռուսաստանը Բաքվին և Երևանին առաջարկում է խորհրդատվական ծառայություններ, քանի որ միայն Մոսկվան ունի համապատասխան բացառիկ տեղագրական նյութեր։
«Ինչ վերաբերում է խաղաղության գործընթացին, խաղաղության պայմանագրի ստորագրմանը, ապա Ռուսաստանը ակտիվորեն շարունակում է օգնել քննարկել հարցերի ամբողջ շրջանակը։ Մենք միշտ պատրաստ ենք մեր հարթակը տրամադրել հայ-ադրբեջանական խաղաղության պայմանագրի շուրջ բանակցությունների համար», - ասել է դիվանագետը։
Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ