ժամանակն է, որ մենք ազգովի ոտքի կանգնենք և ներկայացնենք մեր հանրային պահանջները. Դավիթ Անանյան
Ներկայում մենք ապրում ենք վերջին ժամանակների հանրային անտարբերության պայմաններում կարծես սովորական դարձած անորոշության, սակայն պատմական հիշողության առումով, այնուամենայնիվ, ազգային մեր պատկերին ոչ բնորոշ ու անսովոր միջավայրում: Այս մասին ֆեյսբուքյան իր էջում գրել է ՊԵԿ նախկին նախագահ Դավիթ Անանյանը:
«Փոփոխությունների պահանջված, բայց անկանխատեսելի քամիները պտտվում են մեր շուրջը, և քաղաքական մթնոլորտը գնալով դառնում է ավելի կատաղի և լարված: Թշնամու կողմից հնչում են պահանջատիրական նոր՝ թեև կանխատեսելի մտքեր ու ցանկություններ, որոնք հավակնում են դառնալ տեսլական: Ընդհանուր տպավորությունն այնպիսին է, որ նրանց մտադրություններն ու գործողությունները գնալով ավելի ու ավելի են դառնում իրապես սպառնալից։
Այս սպառնալիքների ֆոնին, մեր այսօրվա քաղաքական իշխանության արձագանքն ու վարքագիծը համարժեքության որևէ դրսևորում չունեն, քանի որ ականատես ենք լինում անատամության և անտարբերության, ինչպես նաև արտաքին մարտահրավերներն ու արհրավիրքները վերլուծելու և դրանց հետևանքները կանխատեսելու անկարողության: Այս բացահայտ անգրագիտությունն ու արտաքին սպառնալիքներին համարժեք կանխարգելող գործողություններ չկատարելը, ըստ էության, դավաճանություն է մեր ժողովրդի և պետականության շահերին։
Միևնույն ժամանակ, մենք ականատես ենք լինում, որ աստիճանաբար աճում է իրական փոփոխություն պահանջողների թիվը, որոնք մեր ազգի, ժողովրդի և պետության համար այլ կարգի իշխանություն են պահանջում, ազգային, եռանդուն ու վճռական։
Նոր հույսի սպասումը մեր ժողովրդի և մեր երկրի հանդեպ այլևս չի կարող անվերջ հետաձգվել։ Ակնհայտ է, որ հանրային դժգոհությունը աներկբայորեն պետք է վերածվի հանրային և ազգային-ազատագրական ընդվզման մի իշխանության դեմ, որը վաղուց չի ներկայացնում մեր հավաքական շահերը։
ժամանակն է, որ մենք ազգովի ոտքի կանգնենք և ներկայացնենք մեր հանրային պահանջներն ու դիրքորոշումները, արտահայտենք մեր վճռականությունը՝ թե ինչ ենք ուզում փոխել։ Այժմ մեզանից յուրաքանչյուրը պետք է դառնա այս վերափոխման մի մասը, սա կլինի մեր հավաքական առաքելությունը՝ ամբողջ ուժով մարմնավորել ազգային վերածննդի գաղափարը»։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ստոկհոլմի արբիտրաժային տրիբունալը բավարարել է Հայաստանի միջնորդությունը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...