Ոչ մի ներում, բեկում․ Մելիքովը մերժել է Նուրմագոմեդովին
Դաղստանի ղեկավար Սերգեյ Մելիքովը մեկնաբանել է հանրապետության մարտիկների (մարզիկների-խմբ․) հայտարարություններն այն մասին, որ հոկտեմբերի 29-ին Մախաչկալայի օդանավակայանում տեղի ունեցած անկարգությունների մասնակիցների համար անհրաժեշտ է մեղմացնել կանխարգելիչ միջոցը՝ «չկոտրելու երիտասարդների ճակատագիրը»։
Մելիքովը նշել է, որ անկարգությունների մասնակիցները հավասար են լինելու օրենքի առաջ, և «մեղավորները չպետք է խուսափեն պատասխանատվությունից», հայտնում են ռուսական ԶԼՄ-ները։
Դաղստանի ղեկավարը լրագրողներին ասել է, որ լավ է վերաբերվում UFC-ի նախկին մարզիկ Խաբիբ Նուրմագոմեդովին և «ողջունում է նրա կոչը»։
Այդուհանդերձ, հանրապետության նախագահը նշել է, որ դաղստանցի տիտղոսակիր մարզիկը նման հայտարարություն է արել իր ելույթների «որոշ կոնտեքստը կարդալուց» հետո։
Մելիքովը կարծում է, որ անկարգությունների մասնակիցների պատասխանատվության մասին իր հայտարարությունների «խեղաթյուրման» արդյունքում իրեն «հրեշ են սարքել»։
«...Այնուամենայնիվ, կա օրենք և կա պատասխանատվություն, և օրենքի առաջ ես, դուք և նրանք, ովքեր եղել են կիրակի օրը, հավասար ենք»,- ասել է նա։
Նրա խոսքով, անկարգությունների համար պետք է պատասխան տան նրանք, ովքեր մեկ օրով խափանել են օդանավակայանի աշխատանքը, բայց ոչ մի կերպ չեն օգնել Պաղեստինի բնակիչներին.
«Թող պատասխան տան նրանք, ովքեր մոլեգին ջարդում էին ցուցափեղկերը, դուրս էին տանում հուշանվերները, այլ ապրանքներ, կամ նրանք, ովքեր ապամոնտաժում էին սալահատակները, հավանաբար այս քարերը աշխատակիցների վրա նետելու համար»։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները