Արսեն Զախարյանը ասել է, որ կարող էր տաքսու վարորդ լինել

«Ռեալ Սոսյեդադի» կիսապաշտպան Արսեն Զախարյանը պատմել է, թե ինչպես կհոգար իր ապրուստը, եթե չլիներ ֆուտբոլը։

«Ի՞նչ կանեի, եթե չլինեի պրոֆեսիոնալ ֆուտբոլիստ. ես ընդհանրապես չէի մտածում այդ մասին, բայց կարծում եմ՝ որևէ հասարակ մասնագիտություն կունենայի: Գուցե՝ տաքսու վարորդ»,- ասել է Զախարյանը «Ռեալ Սոսյեդադի» մամուլի ծառայությանը տված հարցազրույցում։

Հիշեցնենք, որ Զախարյանը հիվանդության պատճառով բաց է թողել «Ռեալ Սոսյեդադի» վերջին մի քանի խաղերը։ Իսպանիայի ընթացիկ առաջնությունում հայազգի կիսապաշտպանը մասնակցել է չորս հանդիպման, որոնցում արդյունավետ գործողություններով աչքի ընկնել չի կարողացել։

Նախորդ մրցաշրջանում, հանդես գալով Մոսկվայի «Դինամոյում», Զախարյանը մասնակցել է ՌՊԼ-ի 27 խաղի, որոնցում դարձել է 4 գոլի և 7 գոլային փոխանցման հեղինակ։

Ֆուտբոլիստի պայմանագիրն իսպանական ակումբի հետ ուժի մեջ է մինչև 2029 թվականի հունիսի վերջը։