Մոսկվան համոզված է, որ Արցախում ռուսաստանցի խաղաղապահները դեռ անելիք ունեն

ՌԴ ԱԳ փոխնախարար Միխայիլ Գալուզինը РБК-ին տված հարցազրույցում հայտարարել է ԼՂ-ում ռուս խաղաղապահների ներկայության արդիականության մասին, քանի որ, նրա կարծիքով, «հակամարտության իրավիճակում վերջակետը դեռ դրված չէ»:

Գալուզինը համոզված է, որ Ռուսաստանի խաղաղապահ առաքելությունը դեռ պահանջված է՝ տարածաշրջանում կայունություն ապահովելու համար նրանց մշտական ​​ներկայության անհրաժեշտությամբ։ 

Նա նաև ընդգծել է Ռուսաստանի, Հայաստանի և Ադրբեջանի միջև եռակողմ համաձայնագրերի կարևորությունը տրանսպորտային և տնտեսական ինտեգրման, սահմանների սահմանազատման, խաղաղության պայմանագրի ստորագրման և երկու երկրների միջև կապերի հաստատման հարցերում։

«Այս ամենը միասին պետք է հանգեցնի նորմալացման փոխադարձ ընդունելի պայմանների»,- հավելել է նա։

Անդրադառնալով «Զանգեզուրի միջանցքի» հնարավոր բացմանը, ՌԴ փոխարտգործնախարարը նշել է․

«Սա կնպաստի Անդրկովկասի բոլոր պետությունների տնտեսական զարգացմանը, քանի որ այս դեպքում Հայաստանը հնարավորություն կունենա դառնալու տրանսպորտային և լոգիստիկ հանգույց, ամրապնդելու և ընդլայնելու իր տրանսպորտային կապերը Ադրբեջանի, Թուրքիայի և Ռուսաստանի հետ։ Անդրկովկասում իրավիճակի ընդհանուր կայունացումը կծառայի ապագայի համար Հայաստանի և Ադրբեջանի միջև վստահության հիմքերի ամրապնդմանը»։

Ամբողջական հոդվածը կարող եք կարդալ այս հասցեով՝ : https://hraparak.am/post/84393fc7a53cd0c2e37e66800e246991

© 2008 - 2021 «Հրապարակ օրաթերթ»