Բիաթլոնի մարզիչը 11.000 փամփուշտ է գողացել

Բիաթլոնի մարզիչը վերավաճառքի համար գողացել է 11.000 փամփուշտ։ Այդ մասին հայտնել է ՌԴ Կրասնոյարսկի երկրամասի դատախազությունը։

30-ամյա տղամարդը մարզային կենտրոնում մարզիչ է աշխատել և հավելյալ եկամտի աղբյուր ունենալու նպատակով 2019 թվականից յուրացրել է մարզիկների համար նախատեսված փամփուշտները, որոնք չեն օգտագործվել մարզումների ժամանակ։ Ընդհանուր առմամբ՝ նա հափշտակել է 5,66 մմ տրամաչափի 11.000 փամփուշտ՝ 83.000 ռուբլի արժողությամբ։

Մայիսին Ռուսաստանի բիաթլոնի միության նախագահ Վիկտոր Մայգուրովը բողոքել էր մարզիկների համար զինամթերքի պակասից։ Մայգուրովն ասել էր, որ հիմնական խնդիրը դրանց պակասությունն է և կրկնակի թանկացումը։

2022 թվականի հոկտեմբերին Իժևսկում բիաթլոնի մրցաշարն անցավ առանց կրակոցների, քանի որ փամփուշտները ժամանակին ձեռք չէին բերվել։ Ուդմուրտիայի ​​բիաթլոնի ֆեդերացիայի ղեկավար Իվան Չերեզովը պարզաբանել էր, որ փամփուշտներ գնելը հեշտ գործ չէ։