Հուսամ շատ շուտով ուժ ու կամք գտնենք այս վտանգավոր ղեկավարին ու նրա թիմին հեռացնելու․ Տաթևիկ Հայրապետյան
Տաթևիկ Հայրապետյանը ֆեյսբուքյան իր էջում գրում է․
Ինձ համար մեր մեծագույն ամոթն այն է, որ անկախության հռչակման 33-րդ տարում մեր երկիրը ղեկավարում է մի մարդ, ով իր շնորհավորական ուղերձում հարցականի տակ է դնում պետության հիմնարար փաստաթղթի իրավացիությունը ու դրանով իսկ մեր պետության գոյությունն առհասարակ: Դա արվում է այն իրավիճակում, երբ հակառակորդը ամենօրյա մակարդակով կրակում է ՀՀ սուվերեն տարածքի վրա, առևանգում է ՀՀ զինվորներին, դիվերսանտներ է ուղարկում ՀՀ քաղաքացի սպանելու համար ու անգամ թիրախավորում է Կապանի օդանավակայանը: Այս կործանարար քաղաքականությունը հանգեցրել է նրան, որ «խաղաղասեր» հարևանը այնքան է ոգևորվել, որ մեր երկիրն այսօր կոչում է «Արևմտյան Ադրբեջան»:
Հուսամ շատ շուտով ուժ ու կամք գտնենք այս վտանգավոր ղեկավարին ու նրա թիմին հեռացնելու և ազգային–պետական օրակարգ սպասարկող իշխանություն ձևավորելու համար:
Սա մեր երկիրն է, որևէ մեկը չի կարող դա մեզանից խլել, եթե մենք մեր երկրից՝ անկախությունից ու ինքնիշխանությունից չհրաժարվենք, չհրաժարվենք հիմնարար արժեքներից ու նպատակներից, մեզանից դա որևէ մեկը վերցնել չի կարող: Ես մաղթում եմ, որ մենք գտնենք այդ ուժը մեր երկիրը ոտքի հանելու ու այս կործանարար շղթան կասեցնելու համար...
Անկախությունը, հիրավի, բացարձակ արժեք է, կյանքից էլ թանկ է, դրա համար շատերը կյանք են դրել այսօրվա անկախության ու պետականության մեջ, հենց այդ անձնազոհությունն ու նվիրումը ամենօրյա մակարդակով փորձում են ոչնչացնել ու իմաստազրկել, դրանով իսկ արժեզրկելով պետությունն ու պետականությունը: Մեր խնդիրը դա կանխելն ու ուժեղանալու ուղին բռնելն է:
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ակադեմիական քաղաքի տարածքում հայտնաբերվել է հնագույն բնակավայր
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
Պատգամավորները 1 րոպե լռությամբ հարգեցին Սինջարի եզդիների ցեղասպանության զոհերի հիշատակը
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
Ֆրանսիայում անտառային հրդեհների հետ կապված ձերբակալվել է 375 մարդ
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը
Հայտնաբերվել է 496 ոչ սթափ վարորդ․ պարեկների անցած շաբաթվա ծառայության արդյունքները
Երբ պետության համակրանքը չի դառնում փոխադարձ պարտավորություն․ Նասիմ Թալեբը` Բաքու չմեկնելու մասին