Ադրբեջանը ներկայացրել է Բլինքեն-Ալիև հեռախոսազրույցի իր տարբերակը

ԱՄՆ պետքարտուղար Էնթոնի Բլինքենը Ադրբեջանի նախագահ Իլհամ Ալիևի հետ հեռախոսազրույցի ընթացքում հայտնել է ԱՄՆ-ի շարունակական աջակցությունը Ադրբեջանի և Հայաստանի միջև խաղաղության պայմանագրի շուրջ բանակցություններին։

Ինչպես հաղորդում է ԱՀ նախագահի մամուլի ծառայությանը, Բլինքենն ընդգծել է Լաչինի միջանցքով տեղաշարժի կարևորությունը, հաղորդում են ադրբեջանական լրատվամիջոցները։

Բաքուն վստահեցնում է, որ ԱՄՆ պետքարտուղարը նաև «ուրիշ» այլընտրանքային ճանապարհներ է նշել։ Ամերիկացի պաշտոնյան խոսել է նաև բանակցություններում դրական դինամիկայի պահպանման կարևորության մասին։

Ալիևն իր հերթին հումանիտար իրավիճակի և շրջափակման մասին հայտարարություններն անվանել է քաղաքական մանիպուլյացիաներ։

Նա հայտարարել է, որ ադրբեջանական կողմը Աղդամ-Ստեփանակերտ ճանապարհն օգտագործելու առաջարկ է ներկայացրել, և դրան աջակցել են Եվրամիությունը, Կարմիր խաչի միջազգային կոմիտեն։ Իսկ Հայաստանը, ըստ նրա, դեմ է եղել բոլոր առաջարկներին։

Ալիևը ևս մեկ անգամ մեղադրել է Հայաստանին խաղաղ բանակցություններին խոչընդոտելու փորձի մեջ՝ մոռանալով հիշեցնել Բաքվի անվերջ սադրանքները, որոնք ինքն էլ քանիցս խոստովանել է։