Այն, ինչ հիմա Ալիևի ռեժիմն իրագործում է Արցախում, կատարում է Ձեր և աշխարհի անտարբերության ներքո․ Թագուհի Թովմասյանը՝ ԱՄՆ դեսպանությանը
«Ոչ Արցախի շրջափակմանը», «Արցախը կանգնած է նոր ցեղասպանության վտանգի առաջ» կոչերով ու պաստառներով ակցիայի մասնակիցները մոտեցան ՀՀ-ում ԱՄՆ դեսպանատանը և այնտեղ շարունակեցին իրենց ակցիան։
ԱԺ պատգամավոր Թագուհի Թովմասյանն իր ելույթում նշեց, որ ինքը բազմաթիվ նամակներ է հղել դեսպանատուն՝ ներկայացնելով, թե ինչ է կատարվում, որ ունենք զոհեր, վիրավորներ, գյուղացին չի կարողանում իրականացնել գյուղատնտեսական աշխատանքներ։
«Ձեզանից խնդրում ենք և պահանջում, որ կիրառեք այ ստանդարտները, որոնք կիրառում ենք ագրեսորների համար։ Ալիևի հանցախումբը սպանդ է իրականացնում Արցախում և այն իրագործում է ձեր և աշխարհի մյուս պետությունների լռության և անտարբերության ներքո։ Խնդրում ենք Ձեզ՝ տեր կանգնեք մարդկանց իրավունքներին»,- պահանջ հնչեցրեց պատգամավորը։
Թովմասյանը նկատեց, որ 21-րդ դարում մենք բախվել ենք նախնադարյան մի մարտահրավերի, որ չենք կարողանում ինքնուրույն լուծել։
«Մենք ակնկալում էինք ավելի մեծ պետությունների աջակցությունը, բայց այդ աջակցությունը կարող էր լինել միայն արդարության պահպանմամբ։ Մենք ուզում ենք, որ դուք սահմանեք պատժամիջոցներ այնպես, ինչպես կիրառում եք բոլոր ագրեսորների նկատմամբ։ Տե՛ր կանգնեք մարդկանց իրավունքներին, թող դրանք չմնան որպես դեկլարատիվ փաստաթուղթ։
Մենք պետք է բարձրաձայնենք արցախցու իրավունքի հարցը, մենք պետք է խոսենք ու աշխարհին հայտնենք՝ ինչ է կատարվում։ Արցախը չի եղել ու չի լինելու Ադրբեջանի կազմում, Արցախը հայկական է։ Ու դա հայ ժողովրդի կամքն է»,- ընդգծեց նա։
Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել