ՊՍԺ-ն ոչ մի զիջման չի գնա Մբապեի հետ բանակցություններում

Ֆրանսիայի չեմպիոն ՊՍԺ-ի ղեկավարությունը ոչ մի զիջման չի գնա թիմի 24-ամյա ֆրանսիացի հարձակվող Կիլիան Մբապեի հետ պայմանագրի երկարաձգման վերաբերյալ բանակցություններում, հաղորդում է Sports Zone-ը։

Հուլիսի 18-ին նախատեսված է ակումբի ղեկավարության եւ Մբապեի հանդիպումը արձակուրդից հետո։ ՊՍԺ-ն վերջնագիր է ներկայացնելու ֆուտբոլիստին՝ պահանջելով երկարաձգել պայմանագիրը մինչեւ 2025թ․ հունիս։ Այլապես ՊՍԺ-ն այս ամիս կփորձի վաճառել Մբապեի տրանսֆերը։

Մբապեն ցանկանում է եւս մեկ մրցաշրջան անցկացնել ՊՍԺ-ում եւ հաջորդ ամռանն ազատ գործակալի կարգավիճակում տեղափոխվել Մադրիդի «Ռեալ»։

ՊՍԺ-ն հույս ունի Մբապեի տրանսֆերից ստանալ 200 միլիոն եվրո։

Ավարտված ակումբային մրցաշրջանում Մբապեն մասնակցել է 43 հանդիպման, խփել է 41 գոլ, կատարել 10 գոլային փոխանցում։