Նեյմարը վիճել է գիշերային ակումբում

Ֆրանսիայի չեմպիոն ՊՍԺ-ի եւ Բրազիլիայի հավաքականի 31-ամյա հարձակվող Նեյմարն արձակուրդն անցկացնում է հայրենիքում։ Ֆուտբոլիստին նկատել են Ռիո դե Ժանեյրոյի գիշերային ակումբներից մեկում։ Նա վիճելիս է եղել անծանոթ տղամարդու հետ, հաղորդում է Mundo Deportivo-ն։ Ակումբի անվտանգության աշխատակիցների միջամտությունից հետո է միայն հնարավոր եղել հարթել դրությունը։

Ավելի վաղ հայտնի էր դարձել, որ Նեյմարը ցանկանում է վերադառնալ «Բարսելոնա»։ Նրա պայմանագիրը ՊՍԺ-ի հետ նախատեսված է մինչեւ 2025թ․ հունիս։

Անցած մրցաշրջանում Նեյմարը ոտքի վնասվածքի եւ վիրահատության պատճառով մասնակցել է ընդամենը 29 հանդիպման բոլոր մրցաշարերում, խփել 18 գոլ, կատարել 17 գոլային փոխանցում։