Հայտնի բլոգեր Shady Shae-ն Ծիծեռնակաբերդում հարգանքի տուրք է մատուցել Հայոց ցեղասպանության զոհերի հիշատակին (տեսանյութ)

Նիգերիացի բլոգեր Shady Shae-ն, որը հայտնի է երաժշտական հոլովակների մասին իր արձագանքներով, օրերս Հայաստանում էր։ Շեդին իր տեսանյութերում անդրադարձել է նաեւ հայ կատարողների տեսահոլովակներին, մասնավորապես, Nemra-ին, Բրյունետին, Իվետա Մուկուչյանին, Սիրուշոյին, Լիլիթ Հովհաննիսյանին․․․

Շեդին Երեւան էր ժամանել հունիսի 7-ին, աստեղ անցկացրել է 5 օր, հասցրել զրուցել NEWS.am STYLE-ի հետ, զբոսնել քաղաքով ու իր յութուբյան միլիոնավոր հետեւորդներին ցուցադրել Երեւանի գեղեցիկ վայրերը։ Բլոգերը նաեւ եղել է Ծիծեռնակաբերդում եւ ծաղիկներ դրել Հայոց ցեղասպանության զոհերի հիշատակին։

«Երեւանից հեռանալուց առաջ մեր հարգանքի տուրքն ենք մատուցում․ միշտ մեր սրտերում»,-հրապարակման ներքո գրել է նա։

NEWS.am STYLE-ի հետ զրույցում, անդրադառնալով իր այցի մանրամասներին, Շեդին նշել է,-«Ես սկզբում թերահավատորեն էի մոտենում իմ սպասումներին: Այստեղ չէի եղել նախկինում, չգիտեի՝ ինչ սպասել, այդպիսով կարճ ճանապարհորդություն վերցրի:

Երբ այստեղ եկա, ինձ դուր եկավ միջավայրը, հետո՝ մարդիկ, որոնք շատ բարեհամբույր են: Տաքսու վարորդն այնքան բարի էր, խանութներում մարդիկ ինձ շատ լավ էին վերաբերվում, շատերը մոտենում ու բարեւում էին ինձ: Այն ընկերասիրությունը, որի մասին լսել էի, փաստորեն ճիշտ էր»։