Ալիևի՝ համաներման մասին խոսքերն իրավական հենք չունեն, իսկ ԱՄՆ մեկնաբանությունը տարօրինակ է. Արա Ղազարյան
Մայիսի 28-ին Ադրբեջանի նախագահը հորդորել էր Ղարաբաղի իշխանություններին ցրել խորհրդարանը, լքել պաշտոնները, և միայն այդ կերպ նրանք կարող են «համաներում» ստանալ:
Մայիսի 31-ին ԱՄՆ պետդեպարտամենտի ներկայացուցիչ Մեթյու Միլլերը Իլհամ Ալիևի այս հայտարարության վերաբերյալ նշել է, թե ողջունում է Ադրբեջանի նախագահի վերջին հայտարարությունները «համաներման» վերաբերյալ։
ՀՀ ԱԳՆ–ն արձագանքել է իր հերթին՝ նշելով, որ Միացյալ Նահանգները պետք է համարժեք արձագանքի Ադրբեջանին՝ կանխելու նրա ղեկավարության՝ ՀՀ ինքնիշխան տարածքի նկատմամբ ծավալապաշտական քաղաքականությունը և Լեռնային Ղարաբաղում էթնիկ զտումների նկրտումները։
Միջազգային իրավունքի մասնագետ Արա Ղազարյանի համոզմամբ՝ Ալիևի այդ հայտարարությունը որևէ իրավական հիմք չունի, քանի որ դրա համար նախ պետք է մեղադրանք առաջադրվի անձին, մեղքը հաստատված լինի դատական ակտով, որից հետո նոր համաներում հայտարարվի: Ըստ նրա՝ սա անհեթհեթ հայտարարություն է, և նույնիսկ չարժե դրան անդրադառնալ.
«Ալիևն իրեն դրել է քննիչի տեղ, դատախազի, դատավորի տեղ: Ըստ երևույթին, նրա խորհրդականները սխալ ուղղություն են նրան տվել, քանի որ իրենք առնվազն պետք է ունենան գործադիր իշխանություն Ղարաբաղի իշխանությունների նկատմամբ:
Նույնիսկ Ադրբեջանի օրենքներով՝ Ղարաբաղի տարածքում գտնվող անձանց նկատմամբ համաներում իրականացնելու իրավունք չունեն, որովհետև նրանք հայտարարել են իրենց անկախության մասին, չեն համարում իրենց որպես Ադրբեջանի սուբյեկտներ», — վստահեցրել է Արա Ղազարյանը:
Անդրադառնալով ԱՄՆ պետդեպարտամենտի ներկայացուցչի հայտարարությանը՝ միջազգային իրավունքի մասնագետը նշել է, որ դա պետք է մեկնաբանեն քաղաքական վերլուծաբանները, քանի որ Ադրբեջանի նախագահի հայտարարությունն ամբողջությամբ քաղաքական ենթատեքստ ունի, այդուհանդերձ Ղազարյանը պետդեպի հորդորը համարել է տաօրինակ:
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Քեյթ Միդլթոնը բացահայտել է իր արտաքինի մասին զարմանալի գաղտնիք
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
54-ամյա Քրիստինա Օրբակայտեն լողազգեստով ցուցադրել է կազմվածքը
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Հայտնի է երկրի ամենախիտ բնակեցված քաղաքը
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...