Ռայիսին կոչ է արել «միասնական ճակատ» ստեղծել Իսրայելի դեմ

Իրանի նախագահ Իբրահիմ Ռայիսին իր սիրիացի գործընկեր Բաշար ալ-Ասադի և Ալժիրի նախագահ Աբդելմաջիդ Տեբունի հետ հեռախոսազրույցի ժամանակ կոչ է արել իսլամական երկրներին միավորվել Իսրայելի դեմ։

Ըստ իրանական լրատվամիջոցների՝ Ռայիսին գործընկերների հետ ունեցած զրույցների ընթացքում ընդգծել է «սիոնիստական ​​ռեժիմի դեմ իսլամական երկրների միասնական ճակատ ստեղծելու անհրաժեշտությունը»։

Տեբունը համաձայնություն է հայտնել՝ նշելով, որ «Պաղեստինի ճնշված ժողովուրդը տառապում է սիոնիստական ​​ռեժիմի դաժանությունից՝ Ռամադանի՝ բարեպաշտության և պաշտամունքի ամսվա ընթացքում»։ 
Ալժիրի առաջնորդը հույս է հայտնել, որ Իրանը իսլամական երկրների համագործակցությամբ «կազատի Պաղեստինի ժողովրդին սիոնիստների լծից»։

Բացի այդ, Բաշար Ասադի հետ զրույցում Ռայիսին նշել է, որ «սիոնիստական ​​ռեժիմի հանցագործությունները վկայում են նրա թուլության ու հուսահատության մասին»։