Աստվածամայրը գալիս է գոտեպնդելու նրա՛նց, որ իրենց սիրասուն զավակներին տվեցին հանուն հայրենիքի. Արցախի թեմի առաջնորդ
Հայ Առաքելական եկեղեցու Արցախի թեմի առաջնորդ Տեր Վրթանես եպիսկոպոս Աբրահամյանի խոսքը՝ Ավետման տոնին․
«Սիրելի Մայրեր և քույրեր, Այսօր, երբ մեր հայրենիքը անցնում է փորձությունների և նեղությունների միջով, խորհրդավոր զուգադիպությամբ ապրիլի 7-ի ուրախարար տոնը համընկել է Մեր Տիրոջ` Հիսուս Քրիստոսի Չարչարանաց և Խաչելության հիշատակության օրվա հետ: Այս իրողությունը մեզ հրավիրում է Սուրբ Մարիամ Աստվածածնին նայելու մի նոր ու հոգևոր ավելի խորը հայացքով:
Մարդու հոգին ջերմացնող մայրության, առաքինության և ճշմարիտ գեղեցկության գաղափարների մարմնացում հանդիսացող Աստվածամայրը այսօր կանգնած է Իր Որդու Խաչի առաջ, և Նրա կրած ամեն մի հարված ու անարգանք սրի պես մխրճված են իր սրտի մեջ: Բայց անասելի այս տառապանքը չկարողացավ ընկճել Նրա մայրական սերը և հոգու մի անկյունում թաքնված այն հույսը, որ Աստծուց շնորհված իր Խորհրդավոր Զավակի կյանքը չի կարող այդպես անհույս մահվամբ վերջանալ: Մարիամը հավատում էր Ավետման ժամանակ իրեն Տրված խոստմանը և սպասում էր դրա իրականացմանը: Իր խոնարհ իմաստությամբ, Հիսուսի ծնունդից սկսած, Նա ամեն բան պահում էր իր մեջ և իր սրտում խորհում դրանց մասին(Ղուկ 2:19):
Առ Աստված իր անվերապահ հավատով և խոնարհությամբ` Աստվածամայրը գալիս է գոտեպնդելու և մխիթարելու մեր հայոց բոլոր մայրերին ու աղջիկներին՝ նրա՛նց, ովքեր ապրում են հայրենիքի ցավով, նրա՛նց, ովքեր իրենց մայրական աղոթքով ու սիրով այսօր ապրում և ապրեցնում են Արցախը, և նրա՛նց, որ իրենց սիրասուն զավակներին տվեցին հանուն հայրենիքի` Մարիամի նման սուր ընդունելով իրենց սրտերից ներս:
Սիրելի Մայրեր և Քույրեր, Աստվածամոր ավետման այս գեղեցիկ տոնին մեր շնորհավորանքներն ու սրտի անկեղծ ջերմությունն ենք բերում Ձեզ և հայցում Տիրամոր բարեխոսությունը հայոց բոլոր մայրերի, քույրերի և մեր Մայր Հայրենիքի համար: Հավատքով ու խոնարհությամբ մոտեցե՛ք Աստծուն, որպեսզի Դուք էլ Մարիամի նման վայելեք Հարության լիակատար ուրախությունը»:
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Քեյթ Միդլթոնը բացահայտել է իր արտաքինի մասին զարմանալի գաղտնիք
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
54-ամյա Քրիստինա Օրբակայտեն լողազգեստով ցուցադրել է կազմվածքը
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Հայտնի է երկրի ամենախիտ բնակեցված քաղաքը
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...