Հասարակությունն իրավունք ունի սվիններով ընդունել Նիկոլի՝ Անկարային մեկնած ձեռքը. Աշոտյան
Հասարակություն, որն ականատեսն է սեփական ողբերգությունների առնչությամբ նիկոլական ոհմակի ցինիկությանը, ունի իրավունք սվիններով ընդունել Թուրքիային պատահած արհավիրքի առնչությամբ Նիկոլի՝ Անկարային մեկնած ձեռքը։ Այս մասին իր ֆեյսբուքյան էջում գրել է ՀՀԿ փոխնախագահ Արմեն Աշոտյանը` անդրադառնալով Հայատանից Թուրքիա փրկարարներ ուղարկելուն:
«Հասարակություն, որն ականատես է սեփական որդիների մահվան կապակցությամբ «հայ» կառավարիչների անտարբերությանը, ունի իրավունք բորբոքվել թուրք ժողովրդի որդիների մահվան կապակցությամբ Նիկոլի ցավակցություններից։
Հասարակություն, որն ականատեսն է սեփական ողբերգությունների առնչությամբ նիկոլական ոհմակի ցինիկությանը, ունի իրավունք սվիններով ընդունել Թուրքիային պատահած արհավիրքի առնչությամբ Նիկոլի՝ Անկարային մեկնած ձեռքը։
Հասարակություն, որը մինչ այսօր տեսնում էր Թուրքիայից հնչող հոխորտանքներին նիկոլական ոհմակից 0 արձագանք, ունի իրավունք զարմանալ այս դեպքում նիկոլական օպերատիվ արձագանքից։
Հասարակություն, որին համոզում են, որ 120 000 հայրենակիցներին բախտի քմահաճույքին թողնելը նորմալ է, ունի իրավունք զայրանալ այլոց տրամադրվող օգնությունից։
Հասարակության նման արձագանքի պատճառը կրկին նույնն է, ինչ վերջին տարիներին մեր կյանքում մեզ պառակտող այլ երեւույթներ՝ Նիկոլ Փաշինյան։
Հ.Գ. Եւ վերջապես, հասարակություն, որ գիտի թե ինչ է նշանակում ծանր վիճակում օտարի մեկնած ձեռքը, իրավունքից զատ հիրավի մեծ սրտի տեր է»,- գրել է նա։
Հիշեցնենք, որ Հայաստանը Թուրքիա է ուղարկել փրկարարների` երկրաշարժից տուժած շրջաններում օգնություն ցուցաբերելու համար, բացի այդ Փաշինյանը հեռախոսազրույց է ունեցելԹուրքիայի նախագահ Էրդողանի հետ, ցավակցություն հայտնել, նաեւ շուտափույթ առողջացում մաղթել վիրավորում ստացածներին:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Մահացել է Երևանի նախկին քաղաքապետ Ռոբերտ Նազարյանը
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Հունվարի 27-ը Հայրենիքի պաշտպանության համար զոհվածների հիշատակի օրն է
Էստոնիան այս տարի պլանավորում է դեսպանություն բացել Երևանում
Թուրքիայի հետ սահմանի բացումը դրական ազդեցություն կունենա տնտեսության վրա. փոխնախարարն այցելել է Մար...
Հայաստանը խաղադրույք է կատարում ոչ թե պարզապես տեխնոլոգիաների, այլ գիտության, կրթության և ԱԲ տնտեսու...
Ի՞նչ են փնտրում հայաստանցիները
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...