Վերջին ժամանակներս տեսնում ենք հետընթաց, երբ խոսքը վերաբերում է Լեռնային Ղարաբաղին․ Նեդ Փրայս
Պատրաստվում ենք անել այն, ինչ առավել օգտակար է: Ճեպազրույցի ժամանակ նման հայտարարություն է արել ԱՄՆ պետդեպի խոսնակ Նեդ Փրայսը՝ անդրադառնալով հայ-ադրբեջանական հարաբերություններին և դրա կարգավորման շրջանակում նոր հանդիպումներ կազմակերպելու հնարավորությանը։
«Անցած տարեվերջին մի քանի հանդիպումներ եղան, որոնք քարտուղար Բլինքենը կազմակերպեց իր գործընկերների միջև՝ եռակողմ հանդիպումներ Հայաստանի և Ադրբեջանի միջև․ մենք դա արեցինք Բլեր Հաուսում, մենք դա արեցինք Նյու Յորքում:
Իհարկե, վերջին ժամանակներս տեսնում ենք հետընթաց, երբ խոսքը վերաբերում է Լեռնային Ղարաբաղին:
Մենք ցանկանում վերականգնել կառուցողական երկխոսությունը, պատրաստ ենք երկկողմ համագործակցության, պատրաստ ենք գործակցել գործընկերների հետ և նրանց ու ԵԱՀԿ-ի միջոցով կամ անել դա եռակողմ, ինչպես արել ենք նախկինում»։
Փրայսը նաև հավելել է, որ երկկողմ հանդիպման անցկացումը երկրի ղեկավարների կամ ԱԳ նախարարների մակարդակով դա կողմերի որոշելիքն է։
Հիշեցնենք, որ երեկ տեղի է ունեցել Փաշինյան-Բլինքեն հեռախոսազրույց, որից հետո ԱՄՆ պետքարտուղարությունը հայտարարություն է տարածել. «Պետքարտուղար Բլինքենը ողջունել է վարչապետ Փաշինյանի՝ խաղաղության հանձնառությունը և քննարկված 2 քայլերը՝ վերսկսելու երկկողմ բանակցությունները Ադրբեջանի հետ»:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում