Եթե մինչև վաղը ժամը 15։00-ը ճանապարհը չբացեցին, բոլորով բարձրանալու ենք Շուշիի բարձունքը․ արցախցի

Սիրելի արցախցիներ, մենք հիմա Շուշիի բարձունքում ենք, ներքեւում Ստեփանակերտն է, եկել ենք ռուս խաղաղապահներին ասենք, որ իրենց առաքելությունը կատարեն, ճանապարհը բացեն, մեր անվտանգությունը պահեն: Այս մասին ֆեյսբուքի իր էջի ուղիղ եթերում հայտարարեց արցախցի մի կին՝ Սոսե Բալասանյանը:

Նա նաեւ հայտարարեց. «Ստացել ենք առաջարկություն, որ կարող են մեզ ուղեկցել, թուրքերի միջով անցնենք, գնանք մեր երեխաներին վերցնենք, նորից վերադառնանք: Մենք չենք համաձայնել, ասել ենք՝ ինչպես ճանապարհը եղել է, մենք անվտանգ երթեւեկել ենք՝ առանց թուրքերի միջոնվ անցնելու, այդ նույն կարգավիճակով համաձայն ենք գնալ-գալ: Սպասում ենք մինչեւ վաղը:

Ձեզնից մի խնդրանք ունեմ, Ստեփանակերտում ապրողներդ մեկ մարդու պես վաղը ժամը 15-ին դուրս գանք հրապարակ: Քանի որ մեր ղեկավարներն անգործ են, լուռ են, մենք 12 օր շրջափակման մեջ ենք, գերու կարգավիճակում: Հավաքվում ենք հրպարակում եւ եթե մինչ էդ ժամը չբացեն ճանապարհը, մենք բոլորով կբարձրանանք այստեղ, հասնենք ռուսների պոստին, թե ռուսների հետ խոսենք, թե թուրքերի հետ խոսենք, պետք է ճանապարհը բացենք: Դա մեր կյանքի ճանապարհն է: Մենք էստեղ ապրչում ենք ու ապրելու ենք: Մեկը ես տեղ չունեմ գնալու»: