Ինչո՞ւ եք խաբում ժողովրդին կեղծ, խաղաղասիրական թեզեր տարածելով, եւ նրան մենակ թողնում թշնամու առաջ. Մելքոնյան
Հայաստանի դեմ մարտահրավերները ոչ միայն արտաքին են, այլեւ ներքին եւ այդ ներքին մարտահրավերների մեջ ես հատկապես կարեւորում եմ կեղծ սուտ ինֆորմացիայի տարափը, որի թիրախը մեր հասարակությունն է: Այս մասին այսօր` նոյեմբերի 12-ին թյուրքագիտական երկու նոր գրքերի շնորհանդեսին ասաց թուրքագետ, պատմական գիտությունների, դոկտոր պրոֆեսոր Ռուբեն Մելքոնյանը:
«Ի մասնավորի` Թուրքիայի եւ Ադրբեջանի, դրանից բխող վտանգների, այլափոխված, խեղաթյուրված պատկերի ներկայացումը, որի նպատակները չեն կարող լինել հայաստանանպաստ, այսինքն` մեր հասարակությանը ներկայացնում են Թուրքիայի, Ադրբեջանի հետ ոչ միայն հարաբերություններ կարգավորելու, այլեւ բարեկամանալու հնարավորություն, որի հավաքական անվանումն է խաղաղության դարաշրջան, որը սակայն որեւէ կապ չունի իրականության հետ եւ ավելին, չկա որեւէ նախադրյալ` դրան հասնելու համար: Ի դեպ, այս սին եւ դատարկ խաղաղության դարաշրջանի տապալվելու մասին մասին սկսել են խոսել նույնիսկ իշխանությունները` անուղղակի կամ ակնարկներով,սակայն միեւնույն ժամանակ պնդելով, թե հավատում են այդ կեղծիքին եւ գնալու են այդ ճանապարհով, մինչդեռ մասնագետները, ի սկզբանե, պնդում էին, որ խաղաղության մասին խոսելն անիմաստ է»,- ասաց նա:
Մելքոնյանի խոսքով` իշխանության ներկայացուցիչների թեզերը Հայաստան- Թուրքիա հարաբերությունների մասին համընկնում են Ժիրայր Լիպարիտյանի թեզերի հետ եւ դառնում են Հայաստանի պաշտոնական դիրքորոշում:
«Սա ունի մի շատ մեծ վտանգ, այս թեզերը ապակողմնորոշում են հասարակության մի մասին, հատկապես Երեւանից դուրս: Ինչո՞ւ եք խաբում ժողովրդին կեղծ, խաղաղասիրական թեզեր տարածելով, ինչու եք խաբում ժողորդին խաբում, թե թուրքերն ու ադրբեջանցիներն իրականում այդքան էլ վատը չեն, ինչո՞ւ եք թալանում ժողովրդի ինքնապաշտպանական բնազդը եւ նրան մենակ թողնում թշնամու առաջ, ով խոսում է Սեւանը, Ջերմուկը, Երեւանը գրավելու իր բացահայտ ցանկությունների մասին: Մենք որպես թուրքագետներ, մեզ պատասխանատու ենք համարում այս ճշմարտությունները ներկայացնելու հասարակությանը»,-ասաց նա:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գարեգին Երկրորդի եղբոր կալանքը 2 ամսով երկարաձգվեց
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...