Ինչ է կատարվում ֆուտբոլի ակումբային առաջատար առաջնություններում

Իսպանիա

Այսօր Երեւանի ժամանակով կեսգիշերին Իսպանիայում կկայանա Ռայո Վալյեկանո-Ռեալ Մադրիդ հանդիպումը, որով կավարտվի Իսպանիայի առաջնության 13-րդ տուրը:

Հաղթանակի դեպքում Ռեալը կբարձրանա առաջին տեղ եւ մեկ միավորով առաջ կանցնի Բարսելոնայից: Իսկ ահա երրերդ եւ չորրորդ տեղերը կիսող Մադրիդի Առլետիկոն եւ Բետիսը Բարսելոնային զիջում են տասը միավորով: Երեկ Բետիսը սկզբունքային խաղում չկարողացավ հաղթել Սեւիլիային, մնալով ինը ֆուտբոլիստով: Խաղն ավարտվեց 1:1 հաշվով:

Սեւիլիան, որը վերջերս միշտ առաջատարների թվում է, այժմ պայքարում է վտանգավոր գոտուց հեռանալու համար: Նրանք 11 միավորով Սելտայի եւ Կադիսի հետ կիսում են 17-19-րդ տեղերը: Աղյուսակն էլ 4 միավորով եզրափակում է Էլչեն:

Անգլիա

Մեծ Բրիտանիայի եւ Հյուսիսային Իռլանդիայի միապետի մահվան կապակցությամբ հետաձգված խաղերի պատճառով Անգլիայի առաջնությունում թիմերից ոմանք անցկացրել են 13, իսկ մյուսները՝ 14 հանդիպում:

Առաջատարը 34 միավորով Արսենալն է, որն այս տարի ցուցադրում է հասուն եւ կայուն ֆուտբոլ: Նրան անդադար հետապնդում է Մանչեսթեր Սիթին, որն ունի 32 միավոր: Անակնկալ է Նյուքասլի հաջող ելույթները: Այս թիմը արդեն երրորդն է, վաստակելով 27 միավոր, բայց անցկացրել է մեկ խաղ ավելի, քան առաջատարները: 14 խաղ է անցկացրել եւ 26 միավորով չորրորդն է Տոտենհեմը:

Աղյուսակը տասական միավորով եզրափակում են Նոթինգհեմն ու Վուլվերհեմփթոնը: 18-րդ տեղում է Սաութհեմթթոնը՝ 12 միավոր:

Իտալիա

Հենրիխ Մխիթարյանի Ինտերը երեկ հավասար պայքար մղելով Յուվենտուսի հետ, այսուհանդերձ պարտվեց 2:0 հաշվով եւ այժմ 13 խաղից հետո վաստակած 24 միավորով 7-րդ տեղում է:

Առաջատարը, այն էլ վստահ առաջատարը Նապոլին է, որը վաստակել է 35 միավոր եւ վեց միավորով առաջ է անցել երկրորդ տեղում գտնվող Միլանից: 27 միավորով 3-4-րդ տեղերը կիսում են Լացիոն եւ Ատալանտան:

Ետնապահը վեց միավորով Վերոնան է: Յոթական միավոր ունեն Կրեմոնեզեն եւ Սամպդորիան:

Գերմանիա

13 տուրից հետո աղյուսակը վերջապես սովորական տեսքի եկավ: Այլ կերպ ասած, առաջատարը վերջապես Բավարիան է, որն ունի 28 միավոր: Ֆրայբուրգը 27 միավորով երկրորդն է, իսկ աղյուսակը երկար ժամանակ գլխավորած Ունիոն Բեռլինը երրորդն է 26 միավորով: Չորրորդ տեղում է Դորտմունդի Բորուսիան՝ 25 միավորով:

Հերտան եւ Շտուտգարտը 11-ական միավորով կիսում են 15-16-րդ տեղերը, իսկ Բոխումն ու Շալկե 04-ը եզրափակում են աղյուսակը 7 եւ 6 միավորներով:

Ֆրանսիա

Այստեղ ամեն ինչ կրկին անհետաքրքիր է, քանի որ Պարի Սեն Ժերմենը կրկին առաջատար է 14 տուրից հետո վաստակելով 38 միավոր: Հինգ միավոր քիչ ունեն Լենսի ֆուտբոլիստները, իսկ երրորդ տեղում Ռենսն է 28 միավորով: Մարսելը միայն չորրորդն է՝ 27 միավորով:

Ստրասբուրը, Բրեստը եւ Անժերն էլ եզրափակում են աղյուսակը վաստակելով համապատասխանաբար տասը, տասը եւ ութ միավոր:

Top-News.am