Պրեմիեր լիգայի ակումբները տրանսֆերային ծախսերի ռեկորդ են սահմանել

Անգլիայի Պրեմիեր լիգայի ակումբները ամառային տրանսֆերային պատուհանի ընթացքում ծախսել են 2,2 միլիարդ եվրո, ինչը ռեկորդային ցուցանիշ է, հաղորդում է BBC Sport-ը։ Նախորդ ռեկորդը գրանցվել էր 2017-ին՝ 1,6 միլիարդ եվրո։

Պրեմիեր լիգայի 20 ակումբներից 9-ի ծախսը տրանսֆերային շուկայում գերազանցել է 100 միլիոն եվրոն։

«Չելսին» ծախսել է 312,5 միլիոն եվրո, «Մանչեսթեր Յունայթեդը»՝ 250 միլիոն եվրո, «Վեստ Հեմը»՝ 189 միլիոն եվրո, «Տոտենհեմը»՝ 176 միլիոն եվրո, «Նոթինգեմ Ֆորեսթը»՝ 168 միլիոն եվրո, «Մանչեսթեր Սիթին»՝ 145 միլիոն եվրո։

Անցած ամառային տրանսֆերային պատուհանի համեմատ Պրեմիեր լիգայի ակումբները հունիսի 10-ից սեպտեմբերի 1-ն ընկած ժամանակահատվածում ծախսել են 1,28 միլարդ եվրո շատ։