Եվրոպայի նորընծա չեմպիոնը ՀՀ իշխանությունների կողմից մեղադրվում է նոյեմբերի 9-ի զանգվածային անկարգությունների գործով
Գերմանական Մյունխենում տեղի ունեցող սպորտային մարմնամարզության Եվրոպայի առաջնության ժամանակ Հայաստանի հավաքականի 38-ամյա մարմնամարզիկ Հարություն Մերդինյանը դարձավ Եվրոպայի չեմպիոն «նժույգ թափեր» սպորտաձևում:
Այս նվաճումը, հիրավի, նշանակալից է, քանի որ 38 տարեկանում սպորտային մարմնամարզությունից Եվրոպայի չեմպիոն հռչակվելը նույնն է, ինչ եթե կարողանաս, ասենք, 50 տարեկանում ֆոտբոլի եվրոպական թոփ առաջնություններից մեկում լավագույն ռմբարկուն դառնալ:
Հարություն Մերդինյանն արդեն Եվրոպայի կրկնակի չեմպիոն է. առաջին անգամ չեմպիոնի տիտղոսը նվաճել է 2016թ.:
Ականավոր մարզիկը sport.news.am-ի հետ զրույցում նշել էր, որ այս չեմպիոնությունն իրեն հեշտ չի տրվել: Տևական ժամանակ մեծ սպորտով չզբաղվելուց հետո վերադառնալ ու նվաճել չեմպիոնի կոչումը մեծագույն ձեռքբերում է:
«Ինչ վերաբերում է մեծ սպորտ վերադառնալուն, իսկապես կար մի շրջան, որ այլևս ցանկություն, նպատակ չէի տեսնում շարունակելու: Հաճախում էի մարզադահլիճ, մարզվում էի, բայց նպատակ չէի դնում մասնակցել մրցաշարերի: 2021 թվականի Հայաստանի առաջնությունից հետո մեր մարզիչները, ընկեր Հակոբը, ընկեր Սոսը, Հայկ Նազարյանը, սպորտային ընկերներս պարբերաբար ոգեշնչում էին ինձ, թե ինչու չեմ շարունակում, եթե կարողանում եմ, ինչո՞ւ չմասնակցեմ մրցաշարերի: Այդպես աստիճանաբար մարզումներն ինձ հասցրին Եվրոպայի առաջնության ոսկե մեդալին»,- ասել էր Հարություն Մերդինյանը:
Ըստ ամենայնի, մեծ մարզիկի ու սրտացավ հայի, երկրի հոգսերով ապրող ու ամեն ձախողում իր մաշկի վրա զգացող տեսակի վրա անջնջելի հետք է թողել Արցախյան վերջին 44-օրյա պատերազմը:
Հարություն Մերդինյանի կենսագրության մեջ կա մի դրվագ, որը, թերևս, քչերը գիտեն: Վերջինիս այս իշխանությունները մեղադրանք են առաջադրել այն բանի համար, որ «նա 2020 թվականի նոյեմբերի 10-ին Երևան քաղաքում մասնակցել է ջարդերով, գույք ոչնչացնելով և վնասելով զուգորդված զանգվածային անկարգություններին»:
ՀՀ Քրեական օրենսգրքի 225.2 հոդվածով մեղադրվող Հարություն Մերդինյանն ունի ամբաստանյալի կարգավիճակ: 2020թ. նոյեմբերի 19-ին կալանավորվել է, ազատ է արձակվել Վերաքննիչ քրեական դատարանի կողմից: Խափանման միջոց է ընտրված եղել ստորագրությունը չհեռանալու մասին: Գործը դատաքննության փուլում է, 2020թ. դեկտեմբերի 29-ին քրեական գործը Հարություն Մերդինյանի և ևս երեք ամբաստանյալների մասով մեղադրական եզրակացությամբ ուղարկվել է Երևան քաղաքի ընդհանուր իրավասության դատարան. դատավորն է Արմինե Մելիքսեթյանը:
Չենք ուզում դատավորի դեր ստանձնել, ոչ էլ խախտել մարդու անմեղության կանխավարկածը, բայց այն, որ Հարություն Մերդինյանը, ով իր գործով փայլուն զբաղվելով, անտարբեր չէ իր հայրենիքի ճակատագրի հանդեպ, արժանի է առնվազն այդ մասին բարձրաձայնման: Թե չէ հիմա նորաձև է, չէ՞, ասել՝ «Մենք մեր գործը լավ անենք տեղում», կամ՝ «մենք քաղաքականությամբ չենք զբաղվում»:
Այս մարզիկն իր օրինակով է ցույց տալիս, որ կան արժեքներ, որոնք ամեն բանից վեր են:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները