Երեկվանից շատերի մոտ նկատում եմ հուսահատություն. դա այն է, ինչի վրա հույս են դրել մեր թշնամիները. Գեղամյան

Թյուրքագետ Վարուժան Գեղամյանն իր ֆեյսբուքյան էջում գրառում է արել․

«Երեկվանից շատերի մոտ նկատում եմ հուսահատություն, թևաթափ լինելու ցանկություն։

Դա այն է, ինչի վրա հույս են դրել մեր թշնամիները։ Բայց դա չի լինելու։

Իսկ ո՞վ ասաց, որ հավերժական Հայաստանի՝ հայրենիքի ու պետության համար պայքարը հեշտ է տրվում։ Ոչ մի պայքար ընդհանրապես հեշտ չէ, պետության համար՝ առավել ևս։ Մենք հասնելու ենք հաջողության, առաջն Աստված, հեռացնելու ենք կապիտուլյանտներին ու հաստատելու ենք ազգային կառավարություն, վերականգնելու ենք բանակը և նորից Հայաստանը դարձնելու ենք ինքնիշխան:

«...Եվ այսպես անցավ Ներոնը, ինչպես անցնում է հողմը, փոթորիկը, հրդեհը, պատերազմը կամ ժանտախտը, իսկ Պետրոսի բազիլիկան Վատիկանյան բարձունքներից մինչև այսօր իշխում է քաղաքի և աշխարհի վրա...» (Սենկևիչ Հ., «Յո՞ երթաս»)»։