Օլիմպիադա․ Կանանց Հայաստանի թիմը հաղթեց անգլիացիներին

Հնդկաստանի Չենայ քաղաքում անցկացվող շախմատի Համաշխարհային օլիմպիադայի 6-րդ տուրում կանանց Հայաստանի հավաքականը մրցեց Անգլիայի թիմի հետ եւ հաղթեց 3,5:0,5 հաշվով։

Հաղթանակներ տարան Էլինա Դանիելյանը, Լիլիթ Մկրտչյանը եւ Աննա Սարգսյանը։ Չորրորդ համար Մարիամ Մկրտչյանը խաղաց ոչ ոքի։

Հայաստանի հավաքականը նախորդ տուրերում պարտության էր մատնել Բոթսվանային (4:0), Նորվեգիային (4:0), Իռլանդիային (4:0), Ինդոնեզիային (3:1), պարտվել է Էստոնիային (1,5:2,5) եւ 10 միավորով բաժանում է 4-11-րդ տեղերը։

Համաշխարհային օլիմպիադայում կանցկացվի 11 տուր։ Օգոստոսի 4-ին հանգստյան օր է։