ԵՄ-ն կարող է ակտիվ դեր խաղալ Բաքվի եւ Երեւանի միջեւ հարաբերությունների կարգավորման հարցում. Ալիեւ

Եվրամիությունը կարող է ակտիվ դեր խաղալ Ադրբեջանի եւ Հայաստանի միջեւ հարաբերությունների կարգավորման հարցում: Մենք աջակցում ենք դրան եւ արդեն տեսնում ենք մեր աշխատանքի պտուղները։ Բրյուսելն ինձ համար այցելությունների հիմնական վայրն է դարձել»։ Այս մասին հայտարարել է Ադրբեջանի նախագահ Իլհամ Ալիեւը «Հարավային Կովկաս. զարգացում եւ համագործակցություն» միջազգային համաժողովի մասնակիցների հետ հանդիպմանը, գրում է haqqin.az-ը։

Հատկապես խորհրդանշական է, որ համաժողովն անցկացվում է օկուպացված հայկական Ղարաբաղի Շուշի քաղաքում։

Հիշեցնենք, որ Ալիեւը բազմիցս սուր քննադատություն է հայտնել ԵԱՀԿ Մինսկի խմբի հասցեին եւ փաստացի սկսել է կարգավորման գործընթացը ԵԱՀԿ-ից ԵՄ տեղափոխելու գործընթացը՝ հաշվի առնելով այս հարցում Եվրամիության աննախադեպ ակտիվացումը։

Ալիեւի խոսքով՝ Եվրամիությունը շատ կարեւոր գործընկեր է Ադրբեջանի համար, քանի որ կողմերի միջեւ համագործակցության մեծ օրակարգ կա՝ առեւտուր, էներգետիկա, տրանսպորտ, ինչպես նաեւ հումանիտար հարցեր։

Իլհամ Ալիեւը նշել է, որ ԵՄ-ի հետ ռազմավարական գործընկերության մասին նոր համաձայնագրի մշակումը վերջնական փուլում է։ Նախագահը նաեւ ընդգծել է, որ Ադրբեջանն ակնկալում է ֆինանսական աջակցություն ստանալ ԵՄ-ից՝ համարժեք այն օգնության ծավալին եւ պայմաններին, որը Բրյուսելը մտադիր է տրամադրել Հայաստանին։ «Այդպիսի որոշումն արդարացի կլինի երկու երկրների համար»,- հավելել է Իլհամ Ալիեւը։