Թրիլեր խաղ Մանչեսթերում. աշխարհի երկու ուժեղագույն ակումբների բախում

Ֆուտբոլի Չեմպիոնների լիգայի կիսաեզրափակիչի առաջին խաղում Անգլիայի չեմպիոն «Մանչեսթեր Սիթին» ընդունեց Մադրիդի «Ռեալին» եւ թրիլերային խաղում հաղթեց նվազագույն հաշվով՝ 4։3։

Արդեն 11-րդ րոպեին անգլիական թիմը հաղթում էր 2:0 հաշվով: Երկրորդ րոպեին ալժիրցի հարձակվող Ռիյադ Մահրեզի փոխանցումից հետո խաղի հաշիվը բացեց բելգիացի կիսապաշտպան Կեւին Դե Բրունեն։ 11-րդ րոպեին առավելությունը կրկնապատկեց բրազիլացի հարձակվող Գաբրիել Ժեզուսը, որին գոլային փոխանցում կատարեց Դե Բրույնեն։

33-րդ րոպեին «Ռեալը» կարողացավ կրճատել հաշվի տարբերությունը ֆրանսիացի հարձակվող Կարիմ Բենզեմայի գոլի շնորհիվ։ Գոլային փոխանցման հեղինակ դարձավ ֆրանսիացի պաշտպան Ֆերլան Մենդին, որն այս խաղում պաշտպանությունում աչքի էր ընկնում կոպիտ սխալներով:

53-րդ րոպեին դաշտի տերերը վերականգնեցին 2 գոլի առավելությունը։ Անգլիացի կիսապաշտպան Ֆիլ Ֆոդենը բրազիլացի կիսապաշտպան Ֆերնանդինյոյի փոխանցումից հետո գրավեց բելգիացի Տիբո Կուրտուայի պաշտպանած դարպասը։ Սակայն արդեն 2 րոպե անց իտալացի Կառլո Անչելոտիի գլխավորած թիմը խփեց երկրորդ գոլը։ Աչքի ընկավ բրազիլացի հարձակվող Վինիսիուսը, որը շեդեվրալ գոլի հեղինակ դարձավ, որը հաստատ կմնա ֆուտբոլի պատմության լավագույն գոլորի մեջ: 

74-րդ րոպեին «Մանչեսթեր Սիթիի» չորրորդ գոլը խփեց պորտուգալացի կիսապաշտպան Բերնարդու Սիլվան։ 81-րդ րոպեին դուբլ ձեւակերպեց Քարիմ Բենզեման, որն արդյունավետ իրացրեց 11 մետրանոցը։ Սեփական տուգանային հրապարակում ձեռքով էր խաղացել իսպանացի պաշտպան Էմերիկ Լապորտը։

Պատասխան հանդիպումը Մադրիդում տեղի կունենա մայիսի 4-ին։