«Բրյուգեն» հաղթանակով սկսեց չեմպիոնական փլեյ-օֆֆը, Ադամյանը դուրս եկավ փոխարինման

Բելգիայի առաջնությունում մեկնարկեց չեմպիոնական քառյակի փլեյ-օֆֆը։ «Ռոյալ Յունիոնը», «Բրյուգեն», «Անդերլեխտն» ու «Անտվերպենը» կանցկացնեն 6 տուր՝ իրար դեմ անցկացնելով 2-ական հանդիպում։

Առաջին տուրում «Բրյուգեն» ընդունեց «Անտվերպենին» եւ առավելության հասավ նվազագույն հաշվով։ Միակ գոլը 37-րդ րոպեին խփեց կանադացի կիսապաշտպան Տաժոն Բուշանանը։

Հայաստանի հավաքականի հարձակվող Սարգիս Ադամյանը «Բրյուգեի» պահեստայինների թվում էր եւ փոխարինման դուրս եկավ 69-րդ րոպեին։

Բելգիայի առաջնություն, չեմպիոնական խումբ, առաջին տուր

«Բրյուգե» - «Անտվերպեն»՝ 1։0

Տաժոն Բուշանան, 37

Հեռացում՝ Աբդուլա Սեկ («Անտվերպեն»), 89, երկրորդ դեղին քարտ

Here's what the table looks like before the kick-off of the Play-offs