Նախկին կյանք՝ ռեգրես հիպնոտի միջոցով. Որտե ՞ ղ են թաքնված մեր խնդիրները

Ռեգրես հիպնոսը հնարավորություն է տալիս հիշողությունների միջոցով ճամփորդել դեպի անցյալ: Մեր ենթագիտակցությունը երբեք չի մոռանում մեր ապրածը, զգացածը, եւ որքան էլ փորձենք ինքնախաբեության միջոցով մոռացության մատնել կյանքի դառը հետքերը, միեւնույն է՝ այն եղել է, պահվում է եւ կպահվի նաեւ մեր հաջորդ կյանքերում: Էզոթերիկ նպատակներով իրականացվող ռեգրես հիպնոսը, հնարավորություն է տալիս անցնել մեր հիշողությունների գաղտնարան, դեմ առ դեմ հանդիպել հոգու ցավին, գտնել պատճառները:
Այս թեմայով, իմ զրուցակիցն է հոգեբան-հիպնոթերապեւտ, հոգեվերլուծաբան, հայկական յոգայի մասնագետ Նաիրա Պետրոսյանը:

- Արդյո՞ք ռեգրես հիպնոսի միջոցով հնարավոր է ներթափանցել նախկին կյանքեր եւ պարզել, որ մարդու բուն խնդիրները այնտեղից են սկսվում:

-Ռեգրես հիպնոսով ԱՅՈ, հնարավոր է ետ գնալ ոչ միայն մանկություն, այլ նաեւ նախկին կյանքեր, որոշ չլուծված խնդիրներ գալիս են մեր անցյալ կյանքերից, և մեր այս հերթական կյանքը մեզ համար լավ հնարավորություն է ուղղելու մեր նախկին սխալները, և ուշադիր լինենք, չգործելու նորերը։

Եվ որքան էլ արտառոց հնչի, կան նաև որոշ հիվանդություններ (психосоматик-հոգեմարմնական), որ մենք բերում ենք մեր հետ։ Դրանք հիմնականում որպես չգրված կանոն ի հայտ են գալիս մինչև 15-16 տարեկան, և շատ դեպքերում դասական բժշկությունը չի կարողանում հայտնաբերել դրանց առաջացման պատճառները։

- Տիկին Նաիրա, համացանցում տարածված բազում «միջոցներ» կան, օրինակ ինչպե՞ս հիշել նախկին կյանքերը,  կամ՝ ինչպե՞ս մեդիտացիայով զբաղվել: Թիրախում են անփորձ եւ հետաքրքրասեր երիտասարդները: Որպես մասնագետ՝ ի՞նչ կասեք այս մասին: Հնարավո՞ր է արդյոք, որ մարդն ինքն իրեն վնասի՝ գիտելիք ու փորձ չունենալու պատճառով:

-Այո համացանցում ՇԱՏ Է ինֆորմացիան գրեթե բոլոր թեմաներով։ Ցավոք շատ է նաև ԱՂԲԸ համացանցում։ Եվ եթե մարդը քիչ թե' շատ մասնագետ չի տվյալ ոլորտում, ապա ՀՆԱՐԱՎՈՐ Է չիմանալու արդյունքում ինքն իրեն վնասի։

Հիպնոսի ժամանակ, հատկապես ՌԵԳՐԵՍ ՀԻՊՆՈՍԻ ժամանակ հոգին ՄԱՍՆԱԿԻ լքում է մարմինը «ճամփորդելու» նպատակով, և եթե ուղղորդող չկա, ապա հոգին կարող է և' մոլորվել։ Ուստի ես որպես մասնագետ, համոզված ասում եմ, որ առնվազն ռեգրես հիպնոսը ՈՉ ՄԱՍՆԱԳԵՏԸ պետք է կատարել միայն մասնագետի «ուղեկցությամբ»։ Մասնագետը իր խոսքային ռապորտով (կապով) օգնում է մարդուն, որ նրա հոգին չմոլորվի։

Եթե նեղն ընկնենք, գուցե բոլորս էլ ինչ որ ձևով խմոր կանենք հաց թխենք, ՍԱԿԱՅՆ ԳԵՐԱԴԱՍՈՒՄ ԵՆՔ հացթուխի թխած հացը, քանզի ՆԱ ԴՐԱ ՄԱՍՆԱԳԵՏՆ Է։ Ուստի մյուս խնդիրներում էլ ճիշտ է վստահել մասնագետին։

Մարդու կույր աղիքը երբ ցավում է անատոմիա կարդացած 8-9 դասարանցին ինքը իրեն չի վիրահատում, այլ դիմում է վիրաբույժի։

- Անչափ հետաքրքիր, ու ուսուցողական են Ձեր պատասխանները:
Հե՞շտ է արդյոք մարկանց ուղեկցել այսպես ասած « նախկին կյանքեր», երբ սեանսը ավարտվում է, ինչպիսի՞ն է պացիենտի ռեակցիան (զարմանում է, տխրում ..) :

-Ռեգրես հիպնոսի միջոցով մարդը շերտ առ շերտ բացում է իր նախկին կյանքերի ՀԻՇՈՂՈՒԹՅՈՒՆՆԵՐԻ ԳԻՐՔԸ։ Եվ դա մարդկանց մոտ տարբեր զգացմունքներ է առաջացնում կախված այն բանից, թե ինչպիսի նախկին կյանքեր են ունեցել և ինչպես են դրանք ապրել։ Յուրաքանչյուրի մոտ դա անհատական ռեակցիա է, և գրեթե անկրկնելի։ Խմբային ռեգրես հիպնոսը քիչ ավելի դժվար է, քան անհատական ռեգրես հիպնոսը, քանզի խմբայինի ժամանակ հիպնոլոգը ստիպված է ՇԱՏ ԱՐԱԳ ուշադրությունը փոփոխել մի մարդուց մյուսը։

Անհատականն ավելի հեշտ է, և համեմատաբար նաև ժամանակն ավելի քիչ։
Համեմատության համար ասեմ, որ 15 հոգուց բաղկացած խմբի համար լիարժեք արդյունքի համար պետք է մոտ 4 ժամ, իսկ անհատական ռեգրես հիպնոսի պրոցեսի համար բավականացնում է 40-60 րոպեն(1-3 կյանք ետ գնալու)։

Ռեակցիաները բնականաբար ՇԱՏ ՏԱՐԲԵՐ ԵՆ։ Հաճույք, հուսահատություն, հուզմունք, բարկություն, անհամբերություն, բավարարվածություն, հիասթափություն, հրճվանք, արցունքներ, տխրություն, ուրախություն։ Այդ ամենի ՊԱՏՃԱՌՆ այն է, թե որտեղ են հայտնվել և ինչ են տեսել։

Սակայն մի բան ԳՐԵԹԵ անփոփոխ է՝ ԷՄԲՐԻՈՆԱՅԻՆ (երբ հասել են մայրիկի փորիկի մեջ գտնվելու հատվածին) շրջանի զգացումները միշտ այցելուներիս դեմքին տեսել եմ ՍԻՐՈ, ՀԱՃՈՒՅՔԻ, ՀՐՃՎԱՆՔԻ ու ՀԱՆԳՍՏՈՒԹՅԱՆ արտահայտություններ։

Մայրական սիրո և հոգատարության արտահայտումը վերհիշելը հաճելի է։
Սակայն եղել է դեպք, որ այցելուն ունեցել է նաև տհաճ զգացում, քանզի ԷՄԲՐԻՈՆԱՅԻՆ վիճակում իմացել է, որ ինքն ԱՆՀԱՃՈ երեխա է։ Եվ դա իրեն օգնել է հասկանալ, որ իր խնդիրների, և ասեմ, նաեւ իր ցածր ինքնագնահատականը սկիզբ էին առել հենց այդ շրջանում։ Որի լուծումը քիչ ավելի երկար ժամանակ պահանջեց մեզանից։

-Տիկին Նաիրա, շնորհակալ եմ հետաքրքիր զրույցի համար:

-Անչափ շնորհակալ եմ ձեզ, ձեր կազմակերպած հերթական հաճելի հարցազրույցի համար։ Եվ որպես վերջաբան ասեմ՝ ՑԱՆԿԱՑԱԾ ԽՆԴՐԻ ԴԵՊՔՈՒՄ ԴԻՄԵՔ ՀԱՄԱՊԱՏԱՍԽԱՆ ՄՍՆԱԳԵՏԻ։ Մենք որքան էլ խելացի լինենք, միևնույն է, չենք կարող ԲՈԼՈՐ հարցերում ԽՈՐԱՑՎԱԾ մասնագետ լինել։

Նյութը պատրաստեց ՝ Մարիամ Սարգսյանը
Հեռակա 5-րդ կուրս