Գլխավոր դատախազի տեղակալի հիշողությունը վատացավ, երբ հարց տրվեց դատավոր Արմեն Դանիելյանի կողմից ԱԺ պատգամավորին կալանավորելու մասին՝ առանց նրան անգամ իրազեկելու
ՀՀ գլխավոր դատախազի տեղակալ Գևորգ Բաղդասարյանը պնդում է՝ դատավոր Բորիս Բախշիյանի նկատմամբ իրականացվող հետապնդումները որևէ կապ չունեն «Սիսական» ջոկատի հրամանատար Աշոտ Մինասյանի՝ Աշոտ Երկաթին ազատ արձակելու որոշման հետ։
Հիշեցնենք, որ Սյունիքի մարզի ընդհանուր իրավասության դատարանի դատավոր Բորիս Բախշիյանը կալանավորվել է ԱԱԾ-ում քննվող քրեական գործով, որի շրջանակներում դատավորին մեղադրում են Փաշինյանի՝ Մանվել Փարամազյանի դեմ ցուցմունք տված ամբաստանյալին կալանավորելու համար, թեև վերջինս ցուցաբերել է ոչ պատշաճ վարքագիծ՝ չներկայանալով դատական նիստին։
Գլխավոր դատախազի տեղակալ Գևորգ Բաղդասարյանը, որը Բորիս Բախշիյանի գործով դատախազն է, լրագրողների հետ զրույցում նշեց, թե գործի հետ կապված հայտարարությունները ճիշտ չեն, որովհետև դեռ այն փուլում, երբ որևէ տվյալ չէր հրապարակվել Բորիս Բախշիյանի վերաբերյալ գործի մասին և որևէ մեկը չգիտեր, թե ընդհանրապես ինչին էր վերաբերում այն, դատավորների և մասնագիտական կառույցների կողմից մտահոգությունների տեսքով հրապարակումներ եղան, որոնք գործը փորձեցին կապել Աշոտ Մինասյանի հետ։ Գլխավոր դատախազի տեղակալի խոսքով՝ իրենք համաձայն են Աշոտ Մինասյանի վերաբերյալ Բորիս Բախշիյանի որոշման հետ, քանի որ համաձայն են, հետևաբար, ըստ Բաղդասարյանի, Բախշիյանի հետ կապված գործընթացը կապել դրա հետ՝ անմտություն է։
Նկատենք, որ դատախազությունը համամիտ է եղել նաեւ դատական նիստերին չներկայացող ամբաստանյալի խափանման միջոցը փոխելու կալանավորելու մասին դատավոր Բախշիյանի որոշման հետ եւս ու չէին բողոքարկել այն, սակայն դա չխանգարեց, որ Աշոտ Երկաթին կալանքից ազատելուց հետո քրեական հետապնդում իրականացվի դատավորի նկատմամբ՝ այն որոշման կապակցությամբ, ինչի դեմ դատախազը վերաքննիչ բողոք անգամ չէր ներկայացրել։
«Ես ինքս եմ Բարձրագույն դատական խորհրդում մասնակցել նիստին և շատ լավ մասնակից եմ եղել մասնագիտական քննարկմանը: Ցավում եմ, որ այդ մասնագիտական քննարկման ժամանակ կոնկրետ վարքագիծ ունեցող անձինք դրանից դուրս, հատկապես՝ տեսանկարահանող սարքերի առաջ, անում են հայտարարություններ, որոնք որևէ կերպ չեն համադրվում այդ վարքագծի հետ: Ներսում մասնագիտական կարծիք, կարելի է ասել, չեն կարողացել հայտնել»,- ասաց Գևորգ Բաղդասարյանը՝ հավելելով, որ դատախազության հրապարակման փաստերը տեսնելու դեպքում Բախշիյանի կայացրած որոշումը կմտահոգի: Բաղդասարյանը, զուգահեռներ անցկացնելով Ռոբերտ Քոչարյանի և մյուսների գործի հետ՝ հայտարարեց, թե նույն դատական ակտի տրամաբանությամբ մեղադրյալներից մեկին կալանավորած կլինեին և, եթե այդպես վարվեին, իրենց կմեղադրեին ապօրինի կալանավորելու մեջ։
Գլխավոր դատախազի տեղակալի խոսքով՝ երբ մեղադրյալն ասում է՝ պաշտպանս նիստի չի կարող գալ, իսկ ես առանց պաշտպանիս չեմ ուզում ներկա գտնվել դատական նիստին, և գործով հաստատված լինի, որ այդ մեղադրյալը ենթարկվել է ճնշումների, անօրինական ազդեցությունների, գործով 5 պարտադիր մասնակիցների բացակայությամբ դատական նիստը շարունակվի, ու շարունակվի բացառապես այդ մեղադրյալին կալանավորելու համար, բոլոր մասնակիցները դիրքորոշում հայտնեն, որ չի կարելի կալանավորել, որովհետև հենց այդ խափանման միջոցն ընտրելու հիմք չկա, պետք է նրան բերման ենթարկել, բացի այդ, պետք է լսել այդ մեղադրյալին, բացակայության պատճառները հասկանալ, ու դատավորը շարունակում է նիստը հենց նրան կալանավորելու համար ու կալանավորել է։ Բաղդասարյանը, շարունակելով միտքը, նշեց, որ հաջորդ դատական նիստին ոչինչ չի փոխվել, մեղադրյալը հաստատում է, որ հենց այդ պատճառով էլ չի ներկայացել նիստին, նրան ազատ են արձակում, հարցաքննում են, վերջինս ցուցմունքից հրաժարվում է և դա ծառայեցվում է մեկ այլ մեղադրյալի ազատ արձակելու համար, այն մեղադրյալի, որը հետո կրկին կալանավորվեց։
«Իսկ թե այդ ընթացքում՝ կալանքի տակ եղած ժամանակ, ինչեր են կատարվել, դրա մասին մանրամասներ չասեմ: Ասեմ ուղղակի, որ քրեական գործ կա հարուցված՝ կազմակերպված խմբի կողմից ցուցմունք տալուց հրաժարվելուն հարկադրելու համար»,- հայտարարեց Բաղդասարյանը՝ տեղեկացնելով, որ գործերն այժմ միացված են մեկ վարույթում։
Գլխավոր դատախազի տեղակալը հայտնեց, որ դատավոր Բախշիյանը ԲԴԽ-ում ընդունել է, որ նմանօրինակ այլ որոշում դատավորն իր պրակտիկայում չունի կայացրած, պարզվել է, որ, օրինակ, մեկ գործով, որով անձը երեք դրվագով, այդ թվում՝ ծանր հանցագործության մեջ էր մեղադրվել մեկ տարի չի ներկայացել դատական նիստին, դատավորը հեռախոսակապով փորձել է ապահովել նրա ներկայությունը, ստացել պատասխան, որ չի ներկայանալու նիստին, ամբաստանյալի խափանման միջոցը փոխվել է ստորագրությամբ՝ չհեռանալու մասին։
Դիտարկմանը, որ Վերաքննիչ քրեական դատարանի դատավոր Արմեն Դանիելյանն, առանց ԱԺ պատգամավոր Արթուր Սարգսյանի մասնակցությունը դատական նիստին ապահովելու, կալանավորման որոշում է կայացրել, Գևորգ Բաղդասարյանն արձագանքեց՝ նշելով, որ չի հիշում Արթուր Սարգսյանի հետ կապված դեպքը
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Հունվարի 3-ին՝ «Ֆեստիվառ» Ջերմուկում
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Փրկարար ծառայությունն ամփոփում է անցած շաբաթը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...