Ճամպրուկային տրամադրություն քաղաքապետարանում. արշալույսները խաղաղ չեն
«Ժողովուրդ» օրաթերթը գրում է. «Ժողովուրդ» օրաթերթի տեղեկությունններով՝ Երևանի քաղաքապետարանում արշալույսներն այդքան էլ խաղաղ չեն: Նախկին քաղաքապետ Հայկ Մարությանի հեռանալուց հետո քաղաքապետարանում ճամպրուկային տրամադրություն է: Քաղաքապետարանի տարբեր վարչության պետերը, իրերը հավաքած, սպասում են՝ ինչ որոշում կկայացնի նորընտիր քաղաքապետ Հրաչյա Սարգսյանը՝ կորոշի պահել, թե աշխատանքից ազատել Մարությանի «կադրերին»: «Քաղաքապետարանում «ստոպ» իրավիճակ է, ոչ ոք չգիտի գլխի գալիքը:
Մի կողմից՝ համավարակը, որ քաղաքապետարանի մի շարք աշխատակիցների է պատուհասել, մյուս կողմից՝ մինչև այս պահը փոխքաղաքապետեր չունենալն ու նոր նշանակումներ չանելը Մարությանի նշանակած վարչության պետերի մոտ անհասկանալի իրավիճակ է ստեղծել: Չգիտեն՝ ի վերջո գնալու, թե մնալու են»,- ասաց մեր զրուցակիցը: Ինչ վերաբերում է փոխքաղաքապետերի հարցին, ապա, ըստ «Ապրելու երկիր» կուսակցության համահիմնադիր, քաղաքապետ Հրաչյա Սարգսյանի նախկին թիմակից Մեսրոպ Առաքելյանի, քաղաքապետը փոխքաղաքապետեր նշանակելու ժամկետները խախտել է, ու անգամ այժմ քաղաքապետի տեղակալներ նշանակելը «Հանրային ծառայության մասին» օրենքի խախտում կլինի:
«Երևանի քաղաքապետի տեղակալների նշանակումը կատարվում է քաղաքապետի պաշտոնի ստանձման օրվանից մեկ ամսվա ընթացքում՝ համաձայն «Հանրային ծառայության մասին» օրենքի։ Այսինքն՝ հունվարի 25-ից հետո այլևս չեն կարող նշանակվել Երևանի քաղաքապետի տեղակալներ»,- գրել է Առաքելյանը»:
Մանրամասները՝ թերթի այսօրվա համարում
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...