Եթե մինչեւ երկուշաբթի բան չմտածեցին, մենք քայլեր կձեռնարկենք Ապահովագրական բյուրոյի դեմ. վարորդ
Այս ամեն ինչի մեղավորը Կենտրոնական բանկն է, որ ամենաթողություն է տվել ապահովագրական բյուրոյին: Այս մասին, այսօր՝ փետրվարի 3-ին, ԿԲ-ի դիմաց ԱՊՊԱ վճարների դեմ վարորդների բողոքի ակցիայի ժամանակ ասաց Ֆեյսբուքյան «TUGANQ տուգանք» խմբի ղոեկավար Արտակ Խաչատուրովը:
«Ապահովագրական ընկերություններն էլ մեղք չունեն, որովհետեւ այնքան են սահմանափակումներով բարձել, որ գնում են որոշակի քայլերի, որ պարտքերը փակեն: Դրա համար մեր ակցիան ուղղված է ԿԲ-ի դեմ: Երկուշաբթի թանկացումներն ուժի մեջ են մտնում, պատրաստվում ենք այդ օրը ապահովագրական բյուրոյին հիշեցնենք մեր շունչը: Եթե մինչեւ երկուշաբթի բան չմտածեցին, մենք էլ կմտածենք համարժեք քայլեր կձեռնարկենք Բյուրոյի դեմ»,-ասաց նա։
Ակցիայի մասնակիցները չեն հավատում, որ ԿԲ շենքից որևէ մեկը իրենց կմոտենա, իրենց հետ կխոսի։ Դուռն էլ փակ է։
«Գիտեն ակցիայի մասին, տեղյակ են պահանջներին։ Ժամանակ կտանք, թող մտածեն»,-ասաց նա:
Ակցիայի մասնակիցները նշեցին, որ «Չի թանկանալու» պաստառներ են պատրաստել հատուկ բողոքի ակցիայի համար:
«Ապահովագրական պորտֆելը տարեկան կազմում է 22 մլրդ դրամ, մենք ասում ենք՝ հիմնավորեք, որ փոփոխությունից հետո այդ 22 մլրդ դրամը չի գերազանցի: Եթե գերազանցելու է, ուրեմն դիտավորյալ տանում եք թանկացման»,-ասաց ակցիայի մասնակիցներից մեկը:
Նշենք, որ վարորդներն այսօր բողոքի ակցիա են կազմակերպել Կենտրոնական բանկի դիմաց. նրանք բողոքում են ԱՊՊԱ վճարների բարձրացման դեմ:
Ավելի վաղ NEWS.am-ը հայտնել էր, որ հունվարի 31-ին եւս վարորդները բողոքի ակցիա էին իրականացրել Հանրապետության հրապարակում՝ իրենց բողոքն արտահայտելով ԱՊՊԱ վճարների թանկացման դեմ: Նրանք իրենց մեքենաներով ազդանշանները միացրած պտտվել էին Հանրապետության հրապարակում: Ոստիկանները կանգնեցրել էին նրանց, բերման են ենթարկել վարորդներից մի քանիսին, իսկ մեքենաները էվակուատորով հեռացրել:
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...