Լեւոն Արոնյանը 97-րդ քայլում հաղթեց Դանիիլ Դուբովին

Թբիլիսիում ընթացող շախմատի աշխարհի գավաթի խաղարկությունում այսօր կայացան 1/8 եզրափակիչ փուլի երկրորդ պարտիաները:

Լեւոն Արոնյանը սպիտակ խաղաքարերով մրցեց Դանիիլ Դուբովի հետ: Մեր շախմատիստը հենց խաղասկզբից դիմեց ակտիվ գործողությունների: 21-ամյա ռուս գրոսմայստերը սկզբում կազմակերպված պաշտպանվում էր, եւ նույնիսկ դիրքային առավելություն ստացավ: Սակայն նա չդիմացավ լարվածությանը եւ աստիճանաբար զիջեց դիրքերը: Լեւոն Արոնյանը 44-րդ քայլին որակ շահեց, որից հետո սկսվեց երկարատեւ դիրքային պայքար: Այն տեւեց մինչեւ 97-րդ քայլը, երբ սեւերը հասկացան, որ այլեւս չեն կարող պաշտպանել միակ զինվորին:

Այդպիսով, Լեւոն Արոնյանը լարված պայքարում հաղթանակ տոնեց եւ հաշիվը դարձրեց 1,5:0,5: Նա մտավ քառրոդ եզրափակիչ, որտեղ կհանդիպի ուկրաինացի գրոսմայստեր Վասիլի Իվանչուկի հետ:

Այս թեմայով Արոնյանը հաղթեց Մամեդյարովին Արոնյանի խոսուն ոչ-ոքին Արոնյանը որոշեց օգնել Կարուանային եւ Կարյակինին Արոնյանը ոչ ոքի խաղաց Մամեդյարովի հետ Gibraltar Masters Open. Լեւոն Արոնյանը հաղթեց 28 քայլում