Ղարիբաշվիլին Թբիլիսիի եւ Երեւանի հարաբերություններն «իդեալական» է համարում
Վրաստանն ու Հայաստանը պետք է խոսքից անցնեն իրական գործի, այսօր հայտարարել է Վրաստանի վարչապետ Իրակլի Ղարիբաշվիլին Հայաստանի վարչապետ Նիկոլ Փաշինյանի մասնակցությամբ միջկառավարական տնտեսական հանձնաժողովի նիստից առաջ, գրում է «Նովոստի-Գրուզիա»-ն։
Հանձնաժողովի նիստը պետք է կայանար դեռ 2020 թվականին, սակայն հետաձգվել էր կորոնավիրուսի համավարակի պատճառով։
«Մենք շահագրգռված ենք, որպեսզի մեր միջեւ գոյություն ունեցող շատ սերտ, բարեկամական համագործակցությունն իրական գործի վերածվի։ Պետք է սերտ առեւտրատնտեսական հարաբերություններ զարգացնենք, խոսենք տարածաշրջանային նախագծերի, ենթակառուցվածքների եւ այլ նախագծերի մասին, որոնք կհետաքրքրեն երկու երկրներին։ Հենց այդ նպատակով ենք մենք այսօր հավաքվել»,- ասել է Ղարիբաշվիլին։
Վրաստանի վարչապետը շնորհակալություն հայտնեց իր հայ գործընկերոջն այն բանի համար, որ միջկառավարական տնտեսական հանձնաժողովի նիստն անցկացվում է վարչապետների մակարդակով երկու երկրների կառավարությունների ղեկավարների միջեւ ձեռք բերված նախաձեռնության եւ պայմանավորվածության համաձայն։
«Այս տարի սա ձեր երկրորդ այցն է Վրաստան։ Սիրով ուզում եմ նշել, որ այս տարի արդեն երկու անգամ պաշտոնական այցով եղել եմ Երեւանում։ Եվ դա իսկապես մատնանշում է մեր միջեւ առկա սերտ հարաբերությունները, մեր միջեւ համագործակցությունը, բարի կամքը։ Եվ ես ուզում եմ շնորհակալություն հայտնել ձեզ` այս հարաբերությունների, այս տրամադրվածության համար»,- ասել է Ղարիբաշվիլին:
Վրաստանի վարչապետն ընդգծել է, որ Նիկոլ Փաշինյանի հետ ունեցած սերտ կապերի շնորհիվ է, որ Վրաստանի եւ Հայաստանի միջեւ «իդեալական հարաբերություններ» են հաստատվել։
«Հպարտությամբ եւ հաճույքով կարող ենք ասել, որ մեր երկրների միջեւ նման հարաբերություններ չեն եղել։ Իհարկե, մենք միշտ շատ մտերիմ եւ բարեկամական հարաբերություններ ենք ունեցել, բայց կարող ենք ասել, որ մեր կառավարությունների միջեւ մեր վաստակի շնորհիվ է, որ մեր երկրների միջեւ թյուրըմբռնում չկա, եւ մենք իսկապես իդեալական հարաբերություններ ունենք»,- ասել է Ղարիբաշվիլին։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...