Թույլ չենք տալու, որպեսզի խաթարվի վանաձորցիների կամքն ու ցանկությունը. Վանաձորի ավագանու անդամ
Խոշորացված Վանաձոր համայնքի «Հայրենիք» կուսակցության կողմից քաղաքապետի թեկնածու առաջադրված, համայնքի ավագանու նորընտիր անդամ Վահե Դոխոյանը դիմել է Վանաձոր, Գուգարք, Շահումյան և Դարպաս համայնքների բնակիչներին։
«Իշխանությունների ապօրինի գործողությունների հետևանքով ձերբակալվել է «Մամիկոն Ասլանյան» դաշինքի ղեկավար Մամիկոն Ասլանյանը։
Չնայած Վանաձոր համայնքում տեղի ունեցած ՏԻՄ ընտրություններում «Հայրենիք» կուսակցության Լոռու մարզային կառույցի տեղական քաղաքական թիմը հանդես է եկել «Մամիկոն Ասլանյան» դաշինքի մրցակից ուժ, սակայն՝ որպես մեր օգտին քվեարկած վանաձորցիների լիիրավ ներկայացուցիչներ, դատապարտում ենք մեր համայնքի բնակիչների ձայների մեծամասնությունը ստացած դաշինքի ղեկավարի նկատմամբ փաստացի քաղաքական հետապնդման բոլոր փորձերը։
Իշխանությունների նման ապօրինի գործելաոճը որակում ենք Վանաձոր համայնքի անխտիր բոլոր բնակիչների ազատ կամարտահայտության արդյունքների և ժողովրդավարության տարրական նորմերի ոտնահարում, մեր բնակիչների վստահությունը վայելող ընդդիմադիր քաղաքական գործիչներին լռեցնելու և ասպարեզից դուրս մղելու անթաքույց ու ապարդյուն փորձ։
Հավաստիացնում ենք, որ մեր ունեցած բոլոր հնարավորություններով և միջոցներով թույլ չենք տալու, որպեսզի խաթարվի վանաձորցիների կամքն ու ցանկությունը՝ ունենալու հենց իրենց ընտրության արդյունքում ձևավորված տեղական ինքնակառավարման մարմին։
Անկոտրում պայքարելու ենք, որպեսզի ձեր տված յուրաքանչյուր քվե հասնի իր նշանակությանը։
Վանաձորի նորընտիր ավագանու անդամ, «Հայրենիք» կուսակցության Լոռու մարզային կառույցի ղեկավար Վահե Դոխոյան»։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Ձերբակալվել է Վրաստանի պետական անվտանգության ծառայության նախկին ղեկավարը