Ալիևը պետք է պատասխանատվության ենթարկվի իր մահաբեր գործողությունների համար․ Ֆրենկ Փալոն

Պետք է ավելին անել՝ պատասխանատվության ենթարկելու Ադրբեջանի նախագահ Իլհամ Ալիևին իր մահաբեր գործողությունների համար, Թվիթերի իր էջում հայտարարել է կոնգրեսական Ֆրենկ Փալոնը։

Մեկնաբանություններն արվել են այն բանից հետո, երբ Պետքարտուղարության Եվրոպայի և Եվրասիայի հարցերով բյուրոն դատապարտել է բռնությունը, որը հանգեցրել է Արցախում կոմունալ ծառայություն իրականացնող հայ աշխատակցի մահվանը։ Այս շաբաթվա սկզբին Շուշիի մերձակայքում տեղի ունեցած միջադեպի հետևանքով վիրավորվել էին «Ջրմուղ-կոյուղու» ևս երեք աշխատակից:

«Անմեղ հայ խաղաղ բնակիչների նկատմամբ բռնությունները շարունակվում են Արցախի վրա Ադրբեջանի հարձակման դադարեցումից մեկ տարի անց։ Բայդենի վարչակազմի կողմից այս միջադեպի դատապարտումը կարևոր է, պետք է ավելին անել՝ պատասխանատվության ենթարկելու Ադրբեջանի նախագահ Իլհամ Ալիևին իր մահաբեր գործողությունների համար»,-ասել է կոնգրեսական Փալոնը։

Violence against innocent Armenian civilians continues a year after Azerbaijan's attack on Artsakh was paused. The Biden Administration's condemnation of this incident is important, but more must be done to hold Aliyev accountable for his deadly actions. https://t.co/fgv2X1Z9eT

— Rep. Frank Pallone (@FrankPallone) November 13, 2021