Գորիս–Կապան ճանապարհը, որտեղ ադրբեջանական մաքսակետեր են, սահմանակից է Խոտ գյուղի այգիներին.Տաթևի համայնքապետի թեկնածու
Տաթեւ–Աղվան ճանապարհը, որն այլընտրանքային ճանապարհ է Գորիս–Կապան միջպետական ճանապարհին, ասֆալտապատել են, բայց Խոտ գյուղից Որոտան ընկնող հատվածը քանդված է, հիմա դա էլ են վերանորոգում։ Այս մասին NEWS.am–ի հետ զրույցում ասաց Տաթեւ համայնքի ավագանու «Շանթ Դաշինք» խմբակցության համայնքապետի թեկնածու Սամվել Լալայանը։
«Մոտ 12 կմ է քանդված, հիմա ճանապարհը լայնացնում, կահավորում են, որպեսզի դեպի Որոտան, Բարձրավան եւ Շուռնուխ համայնքներ ճանապարհ լինի։ Տաթեւ–Աղվան ճանապարհը նորմալ վիճակում է, ուղղակի մինչեւ Տաթեւ հասնելը, 2–3 ոլորան կա, որը կցորդիչով տեխնիկայի համար դժվար է, բայց մարդիկ ստիպված քշում են»,– ասաց Սամվել Լալայանը։
Նրա խոսքով՝ Գորիս–Կապան ճանապարհը, որտեղ արդեն երկու օր է տեղադրված են ադրբեջանական մաքսակետեր, Խոտ գյուղի այգիներին սահմանակից է։
«Հետագայում մի բան պետք է անենք, որ մեր գյուղացիները անվտանգ իրենց աշխատանքները կատարեն։ Այս օրերին անորոշ վիճակ է, մարդիկ զգուշավոր են, ոստիկանությունը ուղղորդում է, որ բնակիչները երթեւեկեն այլընտրանքային ճանապարհով»,– նշեց Սամվել Լալայանը։
Հիշեցնենք՝ նոյեմբերի 11–ից փակ է Գորիս–Կապան միջպետական ճանապարհը։ Ադրբեջանն այդտեղ մաքսակետեր է տեղադրել։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...