ԵԱՀԿ ԽՎ պատվիրակությունը Էրդողանի հետ քննարկել է հայ-ադրբեջանական և հայ-թուրքական հարաբերությունները
Նոյեմբերի 9-ին ԵԱՀԿ Խորհրդարանական վեհաժողովի (ԵԱՀԿ ԽՎ) պատվիրակությունը Անկարայում հանդիպում է ունեցել Թուրքիայի Հանրապետության նախագահ Ռեջեփ Թայիփ Էրդողանի և Թուրքիայի Ազգային մեծ ժողովի նախագահ Մուստաֆա Շենթոփի հետ։ ԵԱՀԿ ԽՎ փոխնախագահ Ազայ Գուլիևը APA-ին ասել է, որ հանդիպման ընթացքում քննարկվել են փախստականների միգրացիայի և անօրինական միգրացիայի խնդիրները, որոնց բախվել է Թուրքիան վերջին տարիներին, ահաբեկչության դեմ պայքարը, երկակի ստանդարտներն ու ընտրովի մոտեցումները, իսլամաֆոբիան և այլ սպառնալիքներ։
Նշվել է, որ Սիրիայից և այլ երկրներից 4,5 միլիոն փախստականներ և միգրանտներ չեն ստացել Եվրամիության և այլ միջազգային կազմակերպությունների խոստացած աջակցությունը, մինչդեռ Թուրքիան վերջին 10 տարվա ընթացքում ծախսել է 40 միլիարդ դոլար։ Թուրքիան միայնակ չի կարող հաղթահարել նման ծանր բեռը, և համապատասխան միջազգային կազմակերպություններն ու երկրները պետք է օգնեն պաշտոնական Անկարային այդ խնդրի լուծման գործում։
Նշվում է, որ քննարկումների ընթացքում ընդգծվել է Ղարաբաղյան երկրորդ պատերազմից հետո տարածաշրջանում խաղաղության և կայունության նոր հնարավորությունների ստեղծման, ներկայիս իրողությունների հիման վրա Հայաստանի հետ հարաբերությունների կարգավորման կարևորությունը։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...